নতুন দিল্লী, ১৩ এপ্ৰিল (হি.স.)। ভাৰত ৰত্ন বাবা ভীমৰাও আম্বেদকাৰৰ জন্ম জয়ন্তী উপলক্ষে অহা সপ্তাহৰ ভিতৰত ভাৰতীয় জনতা পাৰ্টিৰ উদ্যোগত ধাৰাবাহিক অনুষ্ঠানৰ আয়োজন কৰা হৈছে। মঙলবাৰে দলৰ ৰাষ্ট্ৰীয় সভাপতি নীতিন নবীনে বিজেপিৰ মুখ্য কাৰ্যালয়ত ড° আম্বেদকাৰলৈ পুস্পাঞ্জলিৰে শ্ৰদ্ধাঞ্জলি জ্ঞাপন কৰিব। ইয়াৰ উপৰিও ড° আম্বেদকাৰৰ জন্ম বাৰ্ষিকীৰ প্ৰাকক্ষণত বিজেপিৰ নেতা আৰু অনুসূচিত জাতি কৰ্মীসকলে কেইবাটাও স্থানত তেওঁৰ প্ৰতিমূৰ্তি পৰিষ্কাৰ কৰি লেম্প জ্বলাই পোহৰৰ উৎসৱ উদযাপন কৰে। দিল্লীৰ আন্তঃৰাষ্ট্ৰীয় আম্বেদকাৰ কেন্দ্ৰত বাবা ভীমৰাওৰ প্ৰতিমূৰ্তিৰ সন্মুখত পোহৰৰ উৎসৱ পালন কৰা হয়। বিজেপিৰ সাধাৰণ সম্পাদক তৰুণ চুঘ, দিল্লী ৰাজ্যিক সভাপতি বীৰেন্দ্ৰ সচদেৱ,কে ধৰি কেইবাগৰাকীও নেতা উপস্থিত থাকে।
এই উপলক্ষে বিজেপিৰ সাধাৰণ সম্পাদক তৰুণ চুঘে কয় যে আজি পুৱা বিজেপি কৰ্মীসকলে দেশজুৰি হাজাৰ হাজাৰ প্ৰতিমূৰ্তিৰ আশে-পাশে স্বচ্ছতা অভিযান চলায়। তাতেই স্মৃতিসৌধসমূহ পৰিষ্কাৰ কৰা হয়, আৰু আজি সন্ধিয়া ৬:০০ বজাৰ পৰা সমগ্ৰ দেশত সংবিধানৰ স্থপতিবিদ ভাৰত ৰত্নৰ জন্ম জয়ন্তীৰ প্ৰাকক্ষণত দীপাৱলী সদৃশ পৰিৱেশৰ সৃষ্টি হৈছে, যাৰ কলমে সমতাৰ নিশ্চয়তা প্ৰদান কৰিছিল, যিয়ে প্ৰতিজন নাগৰিকক ভোটাধিকাৰ প্ৰদান কৰিছিল, আৰু যিজনে দেশৰ কন্যা সন্তানক ভোটাধিকাৰ দিছিল।
সাংবাদিকৰ সৈতে হোৱা কথা-বতৰাত চুঘে কয় যে ১৯৫০ চনত ড০ ভীমৰাও আম্বেদকাৰে আৰম্ভ কৰা নাৰী সবলীকৰণৰ পদক্ষেপক ইতিবাচক ৰূপ দিছে প্ৰধানমন্ত্ৰী নৰেন্দ্ৰ মোদীয়ে, যিয়ে কন্যাক বচাওক, কন্যাক শিক্ষা দিয়ক আৰু কন্যাক দেশৰ নিৰ্ণয়ৰ অংশীদাৰী কৰক অভিযান আৰম্ভ কৰিছে। আজি মোদীয়ে দেশৰ ৫০ শতাংশ জনসংখ্যাৰ লোকসকলক ১০০% অধিকাৰ প্ৰদান কৰাৰ প্ৰতিশ্ৰুতি দিছে।
বিজেপি নেতাসকলে ঘোষণা কৰে যে অহা ১৪ এপ্ৰিলত আম্বেদকাৰ জয়ন্তীত ড° আম্বেদকাৰৰ প্ৰতিমূৰ্তি য'তেই স্থাপন কৰা হ'ব তাতেই স্বচ্ছতাৰ কাৰ্যসূচী আয়োজন কৰা হ'ব। ইয়াৰ উপৰিও দলিত প্ৰধান প্ৰতিটো বুথতে পুস্পাঞ্জলি আৰু আলোচনা চক্ৰ অনুষ্ঠিত কৰা হ’ব। উদযাপনৰ অংশ হিচাপে ৰেলী, সাংস্কৃতিক অনুষ্ঠান, বৌদ্ধিক প্ৰতিযোগিতা, শোভাযাত্ৰা, আৰু সমাজ সেৱাৰ কাৰ্যসূচীৰ আয়োজন কৰা হ’ব।
তদুপৰি জিলা আৰু সংমণ্ডল পৰ্যায়ৰ উপৰি ৰাজ্যৰ সকলো বুথতে ভীমৰাও আম্বেদকাৰৰ জন্ম বাৰ্ষিকী উদযাপন কৰা হ’ব। ১৪ এপ্ৰিলত পুৱা শোভাযাত্ৰা উলিয়াই ভীমৰাও আম্বেদকাৰৰ প্ৰতিমূৰ্তি আৰু ঠাইখন পৰিষ্কাৰ কৰাৰ বাবে এক কাৰ্যসূচী ৰূপায়ণ কৰা হ’ব।
हिन्दुस्थान समाचार / অৰৱিন্দ
