আছানছল, ১৩ এপ্ৰিল (হি.স.)। কেন্দ্ৰীয় গৃহমন্ত্ৰী তথা বিজেপিৰ জ্যেষ্ঠ নেতাই সোমবাৰে পশ্চিম বৰ্ধৱান জিলাৰ আন্দাল অঞ্চলৰ খণ্ড্ৰা ফুটবল খেলপথাৰত অনুষ্ঠিত এক নিৰ্বাচনী সভাত তৃণমূল কংগ্ৰেছ চৰকাৰক তীব্ৰ সমালোচনা কৰে।
ৰাণীগঞ্জৰ পৰা বিজেপিৰ প্ৰাৰ্থী পাৰ্থ ঘোষৰ সমৰ্থনত তেওঁ ভাষণ প্ৰদান কৰে। সোমবাৰে বিয়লি প্ৰায় ২:২৫ বজাত হেলিকপ্টাৰেৰে আহি উপস্থিত হৈছিল। তেওঁ প্ৰায় ২৫ মিনিট সময় ভাষণ দিছিল।
অমিত শ্বাহে কয় যে বিগত ১৫ বছৰে ৰাজ্যখনৰ তৃণমূল কংগ্ৰেছ চৰকাৰে ৰাজ্যখনৰ উন্নয়নত ব্যৰ্থ হৈছে আৰু বংগ পিছুৱাই গৈছে। কয়লা, বালিকে ধৰি কেইবাটাও খণ্ড নিয়ন্ত্ৰণ কৰা ৰাজ্যখনত ছিণ্ডিকেট শাসন প্ৰচলিত আৰু ইয়াৰ ফলত উদ্যোগপতিসকলে ৰাজ্যখন এৰি যোৱাৰ অভিযোগ উত্থাপন কৰে। লগতে নাম নোলোৱাকৈ ভাইপোক লক্ষ্য কৰি বিজেপি চৰকাৰ গঠন হ'লে ছিণ্ডিকেটৰ বিৰুদ্ধে কঠোৰ ব্যৱস্থা গ্ৰহণ কৰা হ'ব বুলিও কয়।
তেওঁ দাবী কৰে যে বিজেপি ক্ষমতালৈ অহাৰ পাছত ৰাজ্যত নতুন উদ্যোগ স্থাপন হ’ব আৰু যুৱক-যুৱতীসকলৰ বাবে কৰ্মসংস্থাপনৰ সুযোগ সৃষ্টি হ’ব। তদুপৰি ৰাণীগঞ্জ মাষ্টাৰ প্লেন ৰূপায়ণ কৰি ডুব যোৱাৰ প্ৰৱণ অঞ্চলসমূহ সুৰক্ষিত কৰি তোলা হ’ব।
অমিত শ্বাহে বিশিষ্টভাৱে উত্থাপন কৰিছিল হিন্দুসকলৰ বিৰুদ্ধে অত্যাচাৰ আৰু অনুপ্ৰৱেশৰ অভিযোগ। হাওৰা, কলিয়াচাক, মালদা, ঋষৰা, মুৰ্ছিদাবাদ আদি অঞ্চলত দাঙ্গা সংঘটিত হৈছিল যদিও চৰকাৰে কোনো সুনিৰ্দিষ্ট ব্যৱস্থা গ্ৰহণ নকৰিলে বুলি অভিযোগ উত্থাপন কৰে। তেওঁ উল্লেখ কৰে যে বিজেপি চৰকাৰ গঠন হ’লে হিন্দুৰ ওপৰত চলি থকা অত্যাচাৰ বন্ধ কৰাৰ বাবে কঠোৰ ব্যৱস্থা গ্ৰহণ কৰা হ’ব।
অনুপ্ৰৱেশৰ বিষয়ত তেওঁ উল্লেখ কৰে যে ই ৰাজ্যখনৰ এক বৃহৎ সমস্যা আৰু তৃণমূল চৰকাৰে ইয়াক উৎসাহিত কৰিছে। অনুপ্ৰৱেশকাৰীয়ে ৰেচন, মাটি, চাকৰি জব্দ কৰিছে। বিজেপি চৰকাৰ গঠন হ’লে তেওঁলোকক চিনাক্ত কৰি বহিষ্কাৰ কৰা হ’ব।
সভাত তেওঁ বিভিন্ন আঁচনিৰ কথাও ঘোষণা কৰে। বিজেপি চৰকাৰ গঠন হ’লে মহিলা আৰু নিবনুৱা যুৱক-যুৱতীসকলে মাহিলী তিনি হাজাৰ টকা ভাট্টা লাভ কৰাৰ বিপৰীতে কৃষকে ৯ হাজাৰ টকাৰ বাৰ্ষিক সাহায্য লাভ কৰিব বুলিও তেওঁ কয়।
ৰাজহুৱা সভাত ৰাণীগঞ্জৰ বিজেপি প্ৰাৰ্থী পাৰ্থ ঘোষ, জামুৰীয়া প্ৰাৰ্থী ড° বিজন মুখাৰ্জী, পাণ্ডৱেশ্বৰৰ প্ৰাৰ্থী জিতেন্দ্ৰ তিৱাৰীকে ধৰি কেইবাজনো নেতা উপস্থিত থাকে। অমিত শ্বাহে এইবাৰ পশ্চিম বুৰ্ধৱান জিলাৰ ৯খন আসনতে বিজেপিয়ে দখল কৰিব বুলি দাবী কৰে।
ৰাজহুৱা সভাৰ উপৰিও অমিত শ্বাহে দুৰ্গাপুৰত ভগত সিং কেকুৰিৰ পৰা আৰম্ভ কৰি চণ্ডী দাস মাৰ্কেটত শেষ হোৱা ৰোড শ্ব’ও অনুষ্ঠিত কৰে।
हिन्दुस्थान समाचार / অৰৱিন্দ
