গুৱাহাটী, ১৩ এপ্ৰিল (হি.স.)। গুৱাহাটী আৰক্ষীয়ে অবৈধ অনুপ্ৰৱেশ আৰু জাল নথি-পত্ৰৰ নেটৱৰ্ক উদঙাই দিয়া এক বৃহৎ অভিযানৰ সময়ত চাৰিজন বাংলাদেশী নাগৰিকক গ্ৰেপ্তাৰ কৰিছে। আৰক্ষীৰ সূত্ৰ অনুসৰি আটকাধীন আটাইকেইজন আছিফ আলী নামৰ এজন দালালৰ জৰিয়তে অসমত প্ৰৱেশ কৰিছিল। দালালে তেওঁলোকৰ যাত্ৰা আৰু থকাৰ ব্যৱস্থা কৰিলে।

দিছপুৰ আৰক্ষীয়ে জনোৱা অনুসৰি, সীমান্ত আৰক্ষীয়ে গুৱাহাটীৰ চছল অঞ্চলৰ পৰা চাৰিজন বাংলাদেশী নাগৰিকক গ্ৰেপ্তাৰ কৰে। চাৰিওজনে দালাল আছিফ আলীৰ জৰিয়তে গুৱাহাটীত উপস্থিত হৈছিল আৰু ১০ এপ্ৰিলৰ পৰা গুৱাহাটীত আত্মগোপন কৰি আছিল।

সূত্ৰৰ পৰা জানিব পৰা অনুসৰি, চাৰিওজনে গুৱাহাটীৰ পৰা মুম্বাইলৈ যাত্ৰা কৰাৰ পৰিকল্পনা কৰিছিল। গ্ৰেপ্তাৰ হোৱা চাৰিজনৰ ভিতৰত আছে এগৰাকী মহিলা, এগৰাকী পুৰুষ আৰু এগৰাকী শিশু। খবৰ অনুসৰি দালাল আকাশ আলীয়ে বাংলাদেশী নাগৰিকৰ বাবে ভুৱা ভোটাৰ কাৰ্ড তৈয়াৰ কৰিছিল। দিছপুৰ আৰক্ষীয়েও গ্ৰেপ্তাৰ কৰিছে দালালজনক।

তদন্তত এই চাৰিজনে বৰপেটা জিলাৰ পৰা ভোটাৰ পৰিচয় পত্ৰ লাভ কৰা বুলিও জানিব পৰা গৈছে, যাৰ ফলত পৰিচয় পৰীক্ষণ আৰু নিৰ্বাচনী নথি-পত্ৰৰ অপব্যৱহাৰক লৈ গুৰুতৰ প্ৰশ্ন উত্থাপন হৈছে।

আৰক্ষীয়ে জনোৱা মতে, ঘটনাস্থলীত দেখা ৰঙা টি-চাৰ্ট পিন্ধা লোকজনক দালাল আছিফ আলী বুলি চিনাক্ত কৰা হৈছে। জড়িত আন ব্যক্তিৰ সন্ধান অব্যাহত আছে, আৰু সমগ্ৰ নেটৱৰ্কটো উন্মোচন কৰিবলৈ তদন্ত আৰু অধিক সম্প্ৰসাৰণ কৰা হৈছে।

हिन्दुस्थान समाचार / ৰমেন বৰ্মণ