নতুন দিল্লী, ১২ এপ্ৰিল (হি.স.)। লোকসভাত বিৰোধী দলৰ নেতা ৰাহুল গান্ধীয়ে দেওবাৰে দিল্লীত 'ৰান ফৰ আম্বেদকাৰ, ৰান ফৰ সংবিধান' মাৰাথনৰ শুভাৰম্ভ কৰে। অনুষ্ঠানটোৰ উদ্দেশ্য হৈছে যুৱক-যুৱতীসকলৰ মাজত সংবিধান আৰু ড0 ভীমৰাও আম্বেদকাৰৰ চিন্তাধাৰাৰ বিষয়ে সজাগতা বিয়পোৱা ।

ছ’চিয়েল মিডিয়া প্লেটফৰ্ম এক্স-ত তথ্য ভাগ বতৰা কৰি কংগ্ৰেছ দলে অৱগত কৰে যে দলৰ অনুসূচীত জাতি বিভাগে অন্যান্য পিছপৰা শ্ৰেণী বিভাগৰ সহযোগত এই মাৰাথনৰ আয়োজন কৰিছিল। এই কাৰ্যসূচীত বহু সংখ্যক কৰ্মী আৰু যুৱক-যুৱতীয়ে অংশগ্ৰহণ কৰিছিল।

অনুষ্ঠানত কৰ্মীসকলক সম্বোধন কৰি ৰাহুল গান্ধীয়ে কয় যে সংবিধান হৈছে ড0 ভীমৰাও আম্বেদকাৰৰ বাৰ্তা আৰু সংবিধান নাথাকিলে আজিৰ ভাৰতক এই ৰূপত দেখা নাযায়। তেওঁ অভিযোগ কৰিছিল যে ভাৰতীয় জনতা দলে সংবিধানক দুৰ্বল কৰিব বিচাৰিছিল, আনহাতে কংগ্ৰেছে ইয়াক শক্তিশালী আৰু সুৰক্ষিত কৰি ৰখাৰ লক্ষ্য লৈছিল।

তেওঁ কয় যে কংগ্ৰেছে বিচাৰিছিল যে সংবিধানৰ বাৰ্তা দেশৰ প্ৰতিটো কোণত উপনীত হওক আৰু প্ৰতিজন নাগৰিকে ইয়াৰ গুৰুত্ব বুজি পাব। ইয়াৰ বাবে যুৱ অংশগ্ৰহণৰ প্ৰচাৰৰ বাবে নিৰন্তৰ সজাগতা অভিযান চলোৱা হৈছে।

हिन्दुस्थान समाचार / মনোজ কুমাৰ শইকীয়া