নতুন দিল্লী, ১২ এপ্ৰিল (হি.স.)। চেন্নাই ছুপাৰ কিংছৰ (চিএছকে) অধিনায়ক ৰুতুৰাজ গাইকোৱাড়ক ১২ লাখ টকাৰ জৰিমনা বিহা হৈছে । শনিবাৰে নিশা দিল্লী কেপিটেলছৰ (ডিচি) বিৰুদ্ধে খেলখনত মন্থৰ অভাৰ ৰেটৰ বাবে তেওঁৰ বিৰুদ্ধে এই ব্যৱস্থা গ্ৰহণ কৰা হৈছে ।
আই. পি. এল. অনুসৰি, চি. এছ. কে. দলে চেন্নাইৰ এম. এ. চিদাম্বৰম ষ্টেডিয়ামত দিল্লী কেপিটেলছৰ বিৰুদ্ধে টাটা ইণ্ডিয়ান প্ৰিমিয়াৰ লীগ (আই. পি. এল.) ২০২৬-ৰ ১৮ সংখ্যক মেচৰ সময়ত মন্থৰ অভাৰ ৰেট বজাই ৰাখিছিল। যিহেতু এইটো নিম্নতম অভাৰ ৰেটৰ অপৰাধৰ সৈতে সম্পৰ্কিত আই পি এলৰ আচৰণ বিধিৰ অনুচ্ছেদ ২.২২-ৰ অধীনত ছিজনটোৰ তেওঁৰ দলৰ প্ৰথমটো অপৰাধ আছিল, সেয়েহে গাইকোৱাদক ১২ লাখ টকাৰ জৰিমনা দিয়া হৈছিল।
খেলখনৰ বিষয়ে ক’বলৈ গ’লে, চেন্নাইয়ে এম. এ. চিদাম্বৰম ষ্টেডিয়ামত খেলা খেলখনত দিল্লী কেপিটেলছক ২৩ ৰানত পৰাস্ত কৰি এই ছিজনত তেওঁলোকৰ প্ৰথমটো জয় লাভ কৰে। খেলখনত প্ৰথমে বেটিং কৰি চিএছকে-য়ে ২০ অভাৰত দুটা উইকেটত মুঠ ২১২ ৰান সংগ্ৰহ কৰিছিল। দলটোৰ বাবে আটাইতকৈ ডাঙৰ ইনিংছটো সঞ্জু ছেমছনৰ পৰা আহিছিল, যি অপৰাজিত ১১৫ ৰান সংগ্ৰহ কৰিছিল। তেওঁৰ বাহিৰেও যুৱ বেটছমেন আয়ুষ মহাটেৰে ৫৯ ৰান সংগ্ৰহ কৰাৰ বিপৰীতে শিৱম দুবেয়ে দ্ৰুতভাৱে অপৰাজিত ২০ ৰান সংগ্ৰহ কৰি দলটোক শক্তিশালী অৱস্থাত ৰাখিছিল।
ইফালে ২৩৩ ৰাণৰ লক্ষ্য অনুসৰণ কৰাৰ সময়ত দিল্লী কেপিটেলছ ২০ অভাৰত ১৮৯ ৰানত আউট হৈ পৰে। দলটোৰ হৈ ট্ৰিষ্টান ষ্টাবছে ৬০ ৰান, পাথুম নিসাংকাই 41 ৰান, আশুতোষ শৰ্মাই ১৯ ৰান, কে এল ৰাহুলে ১৮ ৰান আৰু ডেভিদ মিলাৰে ১৭ ৰান সংগ্ৰহ কৰে। তেওঁলোকৰ বাহিৰে আন বেটছমেনসকলে এটা ডাঙৰ ইনিংছ খেলিব নোৱাৰিলে।
চেন্নাই ছুপাৰ কিংছৰ পৰৱৰ্তী খেলখন ১৪ এপ্ৰিলত কলকাতা নাইট ৰাইডাৰ্ছৰ বিৰুদ্ধে হ'ব ।
हिन्दुस्थान समाचार / মনোজ কুমাৰ শইকীয়া
