গোলাঘাট, ১১ এপ্ৰিল (হি.স.)। দেৰগাঁৱৰ ৰাঙলীটিঙ স্থিত এটা উদ্যোগে বিপদত পেলাইছে এটা অঞ্চলৰ জনতাক । এটা বিষ্কুটৰ উদ্যোগৰ আৱৰ্জনা ভক্ষণ কৰি মৃত্যু হ'ল বহুকেইটা পশুধনৰ । জিএমকে ফুড নামৰ ৰঙামাটিস্থিত এটা বিস্কুত উদ্যোগৰ আৱৰ্জনা পেলাই দিয়ে কৃষিভূমিৰ লগতে পথৰ কাষত ।

সেই আবৰ্জনা ভক্ষন কৰে অঞ্চলটোৰ পশুধন সমূহে। ইতিমধ্যে ৰাঙলীটিঙ অঞ্চলৰ ১২ টা পশুধনৰ মৃত্যু হোৱাৰ লগতে অসুস্থ হৈ আছে কেইবাটাও পশুধন। উদ্যোগটোৰ স্বত্বাধিকাৰ গৰাকী গুৰত্ব দিয়া নাই ৰাইজৰ সমস্যাক ।

মৃত্যু হোৱা পশুধনৰ ক্ষতিপূৰণ দাবী স্থানীয় জনতাৰ। অন্যথা বিস্কুতৰ উদ্যোগ বন্ধ কৰাৰ হুংকাৰ ক্ষোভিত ৰাইজৰ।

হিন্দুস্থান সমাচাৰ / প্ৰকাশ ডেকা