নতুন দিল্লী, ১০ এপ্ৰিল (হি.স.)। বিভিন্ন বিষয়ত ২৫টা পৃথক জনস্বাৰ্থৰ মামলাৰ আবেদন দাখিল কৰা এজন অধিবক্তাই আজি উচ্চতম ন্যায়ালয়ে আদালতলৈ অহাৰ পৰিৱৰ্তে প্ৰশাসন আৰু চৰকাৰৰ কাষ চাপিবলৈ নিৰ্দেশ দিয়ে। এই আটাইকেইটা গোচৰৰ তালিকা মুখ্য ন্যায়াধীশ সূৰ্য কান্তৰ নেতৃত্বত থকা বিচাৰপীঠৰ সন্মুখত উল্লেখ কৰা হৈছিল।
গোচৰসমূহৰ শুনানিৰ বাবে আহ্বান জনোৱাৰ লগে লগে আবেদনকাৰী তথা অধিবক্তা শচীন গুপ্তাই মুখ্য ন্যায়াধীশৰ নেতৃত্বত থকা বিচাৰপীঠখনক কয় যে তেওঁ আবেদনসমূহ প্ৰত্যাহাৰ কৰিব বিচাৰে। আদালতে কয়, নিজৰ পেছাত মনোনিৱেশ কৰক। আদালতলৈ অহাৰ পৰিৱৰ্তে চৰকাৰ আৰু প্ৰশাসনৰ কাষ চাপিব লাগে। আদালতে কয় যে, আমি নিশ্চিতভাৱে আপোনাৰ আবেদনৰ শুনানি উপযুক্ত সময়ত কৰিম। যদি প্ৰশাসনে কোনো ব্যৱস্থা গ্ৰহণ নকৰে তেন্তে আপুনি আদালতৰ কাষ চাপিব পাৰে। মুখ্য ন্যায়াধীশগৰাকীয়ে কয় যে এজন অধিবক্তা হিচাপে আবেদনকাৰীয়ে বিষয়সমূহ চিনাক্ত কৰি বিশ্লেষণ কৰি প্ৰশাসনক সংবেদনশীল কৰি তুলিব লাগে।
हिन्दुस्थान समाचार / মনোজ কুমাৰ শইকীয়া
