নতুন দিল্লী, ১০ এপ্ৰিল (হি.স.)। কেন্দ্ৰীয় নৱ আৰু নবীকৰণযোগ্য শক্তি মন্ত্ৰী প্ৰহ্লাদ যোশীয়ে শুকুৰবাৰে বিদ্যুৎ ব্যৱহাৰ কৰি তৰলীকৃত পেট্ৰলিয়াম গেছ (এল পি জি)ৰ দৰে শিখা উৎপাদন কৰা উন্নত প্ৰযুক্তিৰে আমদানিকৃত বৈদ্যুতিক ষ্ট’ভৰ বিষয়ে তথ্য ভাগ-বতৰা কৰে।

যোশীয়ে ইনষ্টাগ্ৰামত এটা পোষ্টত কয় যে বৃহস্পতিবাৰে ভাৰতীয় কোম্পানী এটাই এল পি জিৰ দৰে শিখা উৎপন্ন কৰিবলৈ বিদ্যুৎ ব্যৱহাৰ কৰা আমদানিকৃত চৌকা এটা প্ৰদৰ্শন কৰে। যোশীয়ে কয় যে এই প্ৰযুক্তি সঁচাকৈয়ে আকৰ্ষণীয় আৰু উদ্ভাৱনীমূলক। ভাৰতীয় নিৰ্মাতাসকলে এই প্ৰযুক্তি গ্ৰহণ কৰি দেশত বৃহৎ পৰিসৰত উৎপাদন কৰাটো মই বিচাৰিম।’

সৌৰশক্তিৰ জৰিয়তে শক্তি উৎপাদনক প্ৰসাৰিত কৰা পি এম সূৰ্য্য ঘৰৰ দৰে আঁচনিৰ সৈতে সংযুক্ত হ’লে ই এল পি জিৰ ওপৰত নিৰ্ভৰশীলতা হ্ৰাস কৰাত গেম চেঞ্জাৰ হ’ব পাৰে।

हिन्दुस्थान समाचार / অৰৱিন্দ