ডুমডুমা, ০১ এপ্ৰিল (হি.স.): আগন্তুক বিধানসভা নিৰ্বাচনৰ প্ৰাকমুহূৰ্তত ডুমডুমা সমষ্টিত কংগ্ৰেছ দলে এক বৃহৎ ৰাজনৈতিক আঘাতৰ সন্মুখীন হৈছে । কংগ্ৰেছ দল এৰি সহস্ৰাধিক নেতা-কৰ্মী আৰু সমৰ্থকে ভাৰতীয় জনতা পাৰ্টি (বিজেপি)ত যোগদান কৰে।

এই গণযোগদানক সমষ্টিটোৰ বাবে বিজেপিৰ এক ডাঙৰ শক্তিবৃদ্ধি হিচাপে গণ্য কৰা হৈছে। দলৰ স্থানীয় নেতাসকলে নতুনকৈ যোগদান কৰা সদস্যসকলক আদৰণি জনাই কয় যে এই পদক্ষেপে জনসাধাৰণৰ বিজেপিৰ প্ৰতি আস্থা বৃদ্ধি পোৱা বুজাই দিয়ে।

উৎসসমূহে জনোৱা মতে, যোগদান কাৰ্যসূচীত বহু লোকৰ উপস্থিতি লক্ষ্য কৰা হয়। কংগ্ৰেছ এৰা সদস্যসকলে দলৰ নেতৃত্বৰ প্ৰতি অসন্তুষ্টি আৰু দিশহীনতাৰ অভিযোগ উত্থাপন কৰি এই সিদ্ধান্ত লোৱা বুলি জানিবলৈ দিয়ে।

ৰাজনৈতিক পৰ্যবেক্ষকসকলে মত প্ৰকাশ কৰিছে যে এনে পৰিৱর্তনে ডুমডুমা সমষ্টিৰ নিৰ্বাচনী সমীকৰণত গুৰুত্বপূৰ্ণ প্ৰভাৱ পেলাব পাৰে আৰু বিজেপিয়ে নিজৰ সমৰ্থনভিত্তি অধিক শক্তিশালী কৰাৰ দিশত আগবঢ়িছে।

----------

হিন্দুস্থান সমাচাৰ / শ্ৰীপ্ৰকাশ