নতুন দিল্লী, ০৯ মাৰ্চ (হি.স.)। পশ্চিম এছিয়াত চলি থকা সামৰিক সংঘাতৰ সন্দৰ্ভত আলোচনাৰ দাবীত বিৰোধী সদস্যৰ হুলস্থুলৰ বাবে সোমবাৰে দুবাৰকৈ স্থগিত ৰখাৰ পিছত লোকসভা মঙলবাৰে পুৱা ১১ বজালৈ স্থগিত ৰখা হয়। পুৱা ১১ বজাত যেতিয়া লোকসভাৰ কাৰ্যসূচী আৰম্ভ হৈছিল, তেতিয়া পশ্চিম এছিয়াত উত্তেজনা, ভাৰতৰ শক্তি সুৰক্ষা, আৰু বিদেশত বাস কৰা ভাৰতীয়সকলৰ সুৰক্ষাক লৈ বিৰোধীৰ সদস্যসকলে হুলস্থুলৰ সৃষ্টি কৰিছিল। ফলস্বৰূপে সদন ১২ বজালৈকে স্থগিত ৰখা হয়।
বিয়লি ৩ বজাত যেতিয়া লোকসভাৰ কাম-কাজ পুনৰ আৰম্ভ হ’ল, তেতিয়া হুলস্থুল অব্যাহত থাকিল। বিৰোধীয়ে কয় যে পশ্চিম এছিয়াত উত্তেজনাই ভাৰতৰ শক্তি সুৰক্ষা আৰু বহিঃৰাজ্যত বাস কৰা ভাৰতীয়সকলৰ ওপৰত প্ৰভাৱ পেলাব পাৰে, আৰু সেয়েহে চৰকাৰে ইয়াৰ স্পষ্ট উত্তৰ দিব লাগে।
টিএমচিৰ সদস্য মহুৱা মইত্ৰাই শ্লোগান দি থকাত সভাপতিৰ আসনত থকা জগদম্বিকা পালে অসন্তুষ্টি ব্যক্ত কৰে আৰু বিৰোধী সদস্যসকলক শান্তি অক্ষুণ্ণ ৰাখিবলৈ বাৰে বাৰে আহ্বান জনায়। তেওঁ কয় যে বৈদেশিক মন্ত্ৰীয়ে পৰিস্থিতি স্পষ্ট কৰি ভাৰতীয়সকলৰ সুৰক্ষা আৰু শক্তি যোগান নিশ্চিত কৰাৰ বাবে প্ৰয়োজনীয় পদক্ষেপসমূহৰ ৰূপৰেখা দাঙি ধৰিছে। লোকসভাৰ অধ্যক্ষ ওম বিৰলাৰ বিৰুদ্ধে বিৰোধীয়ে অনাস্থা প্রস্তাৱ উত্থাপন কৰাৰ লগতে সদন এই বিষয়ে আলোচনা কৰিবলৈ সাজু বুলি উল্লেখ কৰে৷ অৱশ্যে বিৰোধীয়ে দ্বিতীয়টো প্ৰস্তাৱ আগবঢ়ায়, যাৰ উত্তৰত বৈদেশিক মন্ত্ৰী এছ জয়শংকৰে। ইয়াৰ পিছতে অব্যাহত থকা হুলস্থুল আৰু শ্লোগান দিয়াৰ বাবে মঙলবাৰে পুৱা ১১ বজালৈকে সদন স্থগিত ৰখা হয়।
এআইএমআইএমৰ আছাদুদ্দিন ওৱাইছিকে ধৰি কেইবাজনো সদস্যই পশ্চিম এছিয়াৰ পৰিস্থিতি সন্দৰ্ভত চৰকাৰৰ পৰা স্পষ্টীকৰণৰ দাবী জনায়। বৈদেশিক মন্ত্ৰী জয়শংকৰে প্ৰথমে ৰাজ্যসভা আৰু তাৰ পিছত লোকসভাত ভাষণ দিয়ে। উপসাগৰীয় দেশৰ পৰা ভাৰতীয়সকলক প্ৰত্যাৱৰ্তন কৰাৰ লগতে শক্তি সংকটৰ মোকাবিলা কৰাৰ প্ৰস্তুতিৰ বিষয়ে তেওঁ চৰকাৰক অৱগত কৰে। তেওঁ উল্লেখ কৰে যে ইৰাণৰ নেতৃত্বৰ সৈতে যোগাযোগ বৰ্তমান কঠিন, কিন্তু ভাৰতে শান্তি আৰু আলোচনাক সমৰ্থন কৰে। ৰাজ্যসভাত তেওঁৰ ভাষণৰ সময়ত বিৰোধীয়ে সদন ত্যাগ (ৱাকআউট) কৰাৰ বিপৰীতে লোকসভাত বিৰোধী সাংসদে আমি আলোচনা বিচাৰো ধ্বনি দি হুলস্থুল অব্যাহত ৰাখে। প্ৰিজাইডিং বিষয়াই বাৰে বাৰে বুজাই দিয়াৰ পিছতো বিৰোধীয়ে নিজৰ স্থিতিত অটল হৈ থাকিল। অব্যাহত থকা হুলস্থুলৰ বাবে অৱশেষত লোকসভা দিনটোৰ বাবে স্থগিত ৰখা হয়।
हिन्दुस्थान समाचार / অৰৱিন্দ
