শিলিগুৰি, ০৭ মাৰ্চ (হি.স.)। নৱম আন্তঃৰাষ্ট্ৰীয় সন্থাল সন্মিলনত অংশগ্ৰহণৰ বাবে শনিবাৰে শিলিগুৰিৰ সমীপৰ বাগডোগ্ৰাৰ গোসাইপুৰত উপস্থিত হয় ৰাষ্ট্ৰপতি দ্ৰৌপদী মুৰ্মু। উত্তৰ বংগত দেশৰ প্ৰথমজন জনজাতীয় ৰাষ্ট্ৰপতিৰ আগমনক লৈ প্ৰশাসনিক আৰু ৰাজনৈতিক মহলত যথেষ্ট উত্তেজনা আৰু প্ৰস্তুতিৰ সৃষ্টি হৈছিল। ৰাষ্ট্ৰপতিৰ উপস্থিতিয়ে সন্মিলনক বিশেষ তাৎপৰ্য প্ৰদান কৰে।

গোঁসাইপুৰত অনুষ্ঠিত এই আন্তঃৰাষ্ট্ৰীয় সন্মিলনত ভাৰত আৰু বিদেশৰ জনজাতি প্ৰতিনিধিয়ে অংশগ্ৰহণ কৰে। এই সন্মিলনৰ লক্ষ্য আছিল জনজাতীয় জনগোষ্ঠীৰ সংস্কৃতি, পৰম্পৰা, অধিকাৰ সংৰক্ষণৰ বিষয়ে আলোচনা কৰা। অনুষ্ঠানত দাৰ্জিলিঙৰ বিজেপি সাংসদ ৰাজু বিস্তাও উপস্থিত থাকে। ৰাষ্ট্ৰপতিৰ এই ভ্ৰমণৰ বাবে সমগ্ৰ অঞ্চলটোত নিৰাপত্তাৰ ব্যৱস্থা কটকটীয়া কৰা হয়।

ৰাষ্ট্ৰপতিৰ এই ভ্ৰমণক লৈ আনন্দ প্ৰকাশ কৰি সাংসদ ৰাজু বিষ্টাই কয় যে তেওঁৰ উপস্থিতি পাহাৰ আৰু তৰাই অঞ্চলৰ জনজাতীয় জনগোষ্ঠীৰ বাবে এক বৃহৎ সাফল্য। তেওঁ উল্লেখ কৰে যে ৰাষ্ট্ৰপতিৰ এই ভ্ৰমণে উত্তৰ বংগৰ জনজাতীয় জনগোষ্ঠীসমূহৰ উন্নয়ন আৰু সৱলীকৰণৰ প্ৰক্ৰিয়া আৰু অধিক ত্বৰান্বিত কৰিব।

বাগডোগ্ৰা বিমানবন্দৰৰ পৰা গোসাঁইপুৰলৈ যোৱা পথৰ দুয়োকাষে বৃহৎ জনসমাগম হৈ ৰাষ্ট্ৰপতিগৰাকীক আদৰণি জনায়। এই ভ্ৰমণ শিলিগুৰি আৰু সমগ্ৰ উত্তৰ বংগৰ সামাজিক আৰু ৰাজনৈতিক পৰিৱেশত অতি গুৰুত্বপূৰ্ণ বুলি বিবেচিত।

हिन्दुस्थान समाचार / মনোজ কুমাৰ শইকীয়া