নতুন দিল্লী, ০৭ মাৰ্চ (হি.স.)। আন্তঃৰাষ্ট্ৰীয় নাৰী দিৱস উপলক্ষে কেন্দ্ৰীয় চৰকাৰে অহা ৮ মাৰ্চত কৰ্তব্য পথত শ্বি লিডছ ইণ্ডিয়া শক্তি পদযাত্ৰাৰ আয়োজন কৰিব।

কেন্দ্ৰীয় মহিলা আৰু শিশু উন্নয়ন মন্ত্ৰালয়ৰ তথ্য অনুসৰি পুৱা ৭:৩০ বজাৰ পৰা ১০:০০ বজালৈ এই পদযাত্ৰা অনুষ্ঠিত হ’ব। এই পদযাত্ৰা ইণ্ডিয়া গেটৰ পৰা বিজয় চকলৈকে প্ৰায় ২ কিলোমিটাৰ দৈৰ্ঘ্যত উলিয়াব। ইয়াত ১৫০ টাতকৈও অধিক মন্ত্ৰালয়, বিভাগ আৰু সংগঠনৰ প্ৰায় ৩,০০০ মহিলাই অংশগ্ৰহণ কৰিব।

সশস্ত্ৰ বাহিনী, আৰক্ষী, সংবাদ মাধ্যম, স্বাস্থ্য, ক্ৰীড়া, উদ্যোগ, চৰকাৰী প্ৰতিষ্ঠান, আৰু তৃণমূল পৰ্যায়ৰ সংগঠনৰ মহিলাসকলে অংশগ্ৰহণ কৰিব । অংশগ্ৰহণকাৰীসকলে শ্বি লিডছ ইণ্ডিয়া বিষয়বস্তুক কেন্দ্ৰ কৰি একত্ৰিত হৈ মহিলাৰ ভূমিকাক আলোকপাত কৰি তুলিব ।

এই পদযাত্ৰাত কেন্দ্ৰীয় মন্ত্ৰী, ৰাজ্যিক মন্ত্ৰী, সাংসদ, বিধায়ক, বিভিন্ন ক্ষেত্ৰৰ বিশিষ্ট মহিলা ব্যক্তিকে ধৰি মহিলা জনপ্ৰতিনিধিয়ে নেতৃত্ব দিব । কাৰ্যসূচী আৰম্ভ হ’ব গণ্যমান্য ব্যক্তিসকলৰ চমু ভাষণেৰে, তাৰ পিছত পদযাত্ৰাৰ ফ্লেগ অফ কৰা হ’ব।

মহিলাৰ সৈতে জড়িত মূল চৰকাৰী আঁচনিসমূহ আৰু বিভিন্ন ক্ষেত্ৰত মহিলাসকলৰ সাফল্যসমূহ প্ৰদৰ্শন কৰি কৰ্তব্যৰ পথত এখন প্ৰদৰ্শনীও অনুষ্ঠিত হ’ব । ইণ্ডিয়া গেটত এক সাংস্কৃতিক অনুষ্ঠান অনুষ্ঠিত হ’ব, য’ত বন্দে মাতৰমৰ দলীয় পৰিবেশন আৰু ডল্লু কুনিথা, কলাৰিপায়ত্তু, শৃংগৰীমেলাম, ৰাঞ্চণ্ডী, আৰু ঘূমৰ আদি পৰম্পৰাগত নৃত্যৰ অনুষ্ঠান অনুষ্ঠিত হ’ব ।

हिन्दुस्थान समाचार / মনোজ কুমাৰ শইকীয়া