নতুন দিল্লী, ০৬ মাৰ্চ (হি.স.)। আম আদমি পাৰ্টিৰ আহ্বায়ক অৰবিন্দ কেজৰিৱালে বিশেষাধিকাৰ সমিতিৰ কাৰ্য্যবিধিৰ লাইভ ষ্ট্ৰীমিংৰ বাবে কৰা অনুৰোধ নাকচ কৰিছে দিল্লী বিধানসভাই।

দিল্লী বিধানসভাই আজি প্ৰাক্তন মুখ্যমন্ত্ৰী অৰবিন্দ কেজৰিৱাললৈ পত্ৰ লিখি বিশেষাধিকাৰ সমিতিৰ কাৰ্য্যবিধিৰ লাইভ ষ্ট্ৰীমিংৰ বাবে কৰা অনুৰোধ নাকচ কৰে। শুকুৰবাৰে বিয়লি ৩ বজাত কেজৰিৱালক চমন কৰি ‘ফাঁচী ঘৰ’ গোচৰৰ সন্দৰ্ভত কমিটীয়ে কেজৰিৱালক চমন জাৰি কৰিছে।

ইয়াৰ পিছতে কেজৰিৱালে বৃহস্পতিবাৰে এখন পত্ৰ লিখি বিশেষাধিকাৰ সমিতিৰ কাৰ্য্যবিধিৰ লাইভ ষ্ট্ৰীমিংৰ অনুৰোধ জনায়।

অধ্যক্ষৰ নিৰ্দেশ অনুসৰি বিশেষাধিকাৰ সমিতিৰ কাৰ্য্যবিধি গোপনীয় আৰু কাৰ্য্যবিধিৰ নিয়মে লাইভ ষ্ট্ৰীমিংৰ অনুমতি নিদিয়ে। তদুপৰি সংসদ বা অন্যান্য ৰাজ্যত বিশেষাধিকাৰ সমিতিৰ বৈঠক টেলিকাষ্ট হোৱাৰ কোনো নজিৰ নাই।

দহ বছৰতকৈ অধিক সময় বিধানসভাৰ সদস্য হৈ থকাৰ পাছতো কেজৰিৱালে এই বিষয়ত জ্ঞান নথকাত অধ্যক্ষগৰাকীয়ে আশ্চৰ্য্য প্ৰকাশ কৰে। এই সময়ছোৱাতো বিশেষাধিকাৰ সমিতিৰ কেইবাখনো বৈঠক অনুষ্ঠিত হৈছিল যদিও এখনো সভা কেতিয়াও টেলিকাষ্ট/লাইভ ষ্ট্ৰীম কৰা হোৱা নাছিল।

हिन्दुस्थान समाचार / মনোজ কুমাৰ শইকীয়া