মৰিগাঁও, ০৬মাৰ্চ (হি.স.)। জাগীৰোডৰ ঐতিহাসিক গোভা ৰজাৰ বাসগৃহত শুক্ৰবাৰে তোৰণৰ আধাৰশিলা স্থাপন কৰে অসম চৰকাৰৰ জলসম্পদ , তথ্য আৰু জনসংযোগ বিভাগৰ মন্ত্ৰী পীয়ুষ হাজৰিকাই ৷
তিৱা স্বায়ত্ব শাসিত পৰিষদৰ দ্বাৰা আৱন্টিত পুজিঁৰ জৰিয়তে দহ লাখ টকা ব্যয় সাপেক্ষে নিৰ্মাণ হবলগীয়া তোৰণ খনৰ আধাৰশিলা স্থাপন অনুষ্ঠানত তিৱা স্বায়ত্ব শাষিত পৰিষদৰ মনোনীত সদস্য খগেন চন্দ্ৰ দাস , গোভা ৰজা দ্বীপসিং দেওঁৰজা , তিৱা ৰাজদৰবাৰৰ জুৰচিং বৰদলৈ , জাগীৰোড উন্নয়ন প্ৰাধিকৰণৰ অধ্যক্ষ দিব্যজিৎ নেওগ , জাগীৰোড গাঁও পঞ্চায়তৰ সভাপতি সোণজ্যোতি নাথ , মৰিগাঁও জিলা জনজাতি উন্নয়ন বৰ্ডৰ অধ্যক্ষ কামেশ্বৰ পাটৰ , বিজেপিৰ ৰাজ্যিক সদস্য জীতেন্দ্ৰ কুমাৰ ডেকা , প্ৰবিন কুমাৰ ডেকা প্ৰমুখ্যে কেইবা গৰাকী বিশিষ্ট ব্যক্তি উপস্থিত থাকে ৷
আনহাতে বিৰোধীৰ মিত্ৰতা সন্দৰ্ভত এক তাৎপৰ্যপূৰ্ণ মন্তব্য কৰে অসম চৰকাৰৰ কেবিনেট মন্ত্ৰী পীয়ুষ হাজৰিকাই ৷
হিন্দুস্থান সমাচাৰ / নিৰ্মলেন্দু