নতুন দিল্লী, ৩১ মাৰ্চ (হি.স.)। কংগ্ৰেছ নেত্ৰী ছোনিয়া গান্ধীক মঙলবাৰে ছাৰ গংগা ৰাম চিকিৎসালয়ৰ পৰা যাবলৈ দিয়া হয়। ২৪ মাৰ্চত জ্বৰ হোৱাত তেওঁক তাত ভৰ্তি কৰোৱা হৈছিল। ছোনিয়া গান্ধী এতিয়া সম্পূৰ্ণ সুস্থ। চিকিৎসকে কয় যে তেওঁক প্ৰণালীবদ্ধ সংক্ৰমণৰ বাবে এন্টিবায়টিক দিয়া হৈছিল।

ছাৰ গংগা ৰাম চিকিৎসালয়ৰ অধ্যক্ষ ডাঃ অজয় স্বৰূপে জনোৱা মতে, ২৪ মাৰ্চৰ নিশা ১০:২২ বজাত জ্বৰত আক্ৰান্ত হৈ ছোনিয়া গান্ধীক ছাৰ গংগা ৰাম চিকিৎসালয়ত ভৰ্তি কৰোৱা হৈছিল। গান্ধী এতিয়া সুস্থ হৈ উঠিছে আৰু ঘৰতে অধিক চিকিৎসা আৰু ফ’ল’-আপৰ বাবে আজি পুৱা চিকিৎসালয়ৰ পৰা ৰিলিজ দিয়া হয়।

हिन्दुस्थान समाचार / মনোজ কুমাৰ শইকীয়া