- বৰ্তমানৰ ডি জি এম অ’ লেফটেনেণ্ট জেনেৰেল ৰাজীৱ ঘাই হ’ব ডেপুটি চিফ অৱ আৰ্মী ষ্টাফ (ষ্ট্ৰেটেজি)
নতুন দিল্লী, ৩১ মাৰ্চ (হি.স.)। ভাৰতীয় সেনাৰ ভিতৰত বৃহৎ সালসলনি চলি আছে। পাকিস্তান সীমান্তত সামৰিক অভিযানৰ নতুন সঞ্চালক প্ৰধান হিচাপে পৰিগণিত হ’ব লেফটেনেণ্ট জেনেৰেল অভিজিত এছ পেন্ধৰকাৰ। তেওঁ এজন অভিজ্ঞ বিষয়া যিয়ে উত্তৰ-পূবত সেনাবাহিনীৰ স্পিয়াৰ কৰ্পছৰ কমাণ্ড কৰিছিল। বৰ্তমানৰ ডিজিএমঅ’ লেফটেনেণ্ট জেনেৰেল ৰাজীৱ ঘাইক ডেপুটি চিফ অৱ আৰ্মী ষ্টাফ (ষ্ট্ৰেটেজি) হিচাপে নিযুক্তি দিয়া হ’ব, যিয়ে পৰিৱৰ্তিত যুদ্ধৰ পৰিৱেশত কাৰ্যকৰী কৌশলৰ এক নতুন দিশ প্ৰদান কৰিব।
২০২৪ চনৰ অক্টোবৰ মাহত লেফটেনেণ্ট জেনেৰেল ৰাজীৱ ঘাইক ডিজিএমঅ’ হিচাপে নিযুক্তি দিয়া হৈছিল। পাকিস্তানৰ সৈতে সেনাৰ অভিযান, চোৰাংচোৱা সমন্বয়, আৰু যুদ্ধবিৰতি আলোচনাত তেওঁ কেন্দ্ৰীয় ভূমিকা পালন কৰে। তেওঁৰ নেতৃত্বত যোৱা বছৰৰ মে’ মাহত অপাৰেচন সিন্দুৰৰ সময়ত ভাৰতীয় সেনাই সন্ত্ৰাসবাদীৰ আত্মগোপন স্থান ধ্বংস কৰিছিল, যাৰ ফলত পাকিস্তানে যুদ্ধবিৰতিৰ আহ্বান জনাইছিল। ১৯৮৯ চনত কুমাওন ৰেজিমেণ্টত কমিচন লাভ কৰি সামৰিক কেৰিয়াৰ আৰম্ভ কৰে। ইয়াৰ পূৰ্বে তেওঁ জম্মু-কাশ্মীৰত সন্ত্ৰাসবাদ বিৰোধী অভিযান আৰু সীমা অতিক্ৰম কৰি সামৰিক কূটনীতিৰ বিশেষজ্ঞ বুলি গণ্য কৰা শ্ৰীনগৰস্থিত ১৫ নং কৰ্পছ (চিনাৰ কৰ্পছ)ৰ অধিনায়ক হিচাপে কাৰ্যনিৰ্বাহ কৰিছিল। তেখেতক উত্তম যুধ সেৱা পদক, অতি বিশিষ্ট সেৱা পদক, সেনা পদক আদিৰে সন্মানিত কৰিছে। ২০২৫ চনৰ জুন মাহৰ পৰা তেওঁ সেনাবাহিনীৰ এক অতি সন্মানীয় পদবী ডেপুটি ছিফ অৱ আৰ্মী ষ্টাফৰ (ষ্ট্ৰেটেজি)ৰ অতিৰিক্ত দায়িত্ব পালন কৰি আহিছে ।
ভাৰতীয় সেনাৰ শীৰ্ষ নেতৃত্বৰ ভিতৰত এক বৃহৎ সালসলনিত লেফটেনেণ্ট জেনেৰেল অভিজিত এছ পেন্ধৰকাৰক সামৰিক অভিযানৰ সঞ্চালক প্ৰধান হিচাপে নিযুক্তি দিয়া হৈছে। শেহতীয়াকৈ তেওঁ উত্তৰ-পূবৰ ডিমাপুৰত সেনাৰ স্পিয়াৰ কৰ্পছৰ জেনেৰেল অফিচাৰ কমাণ্ডিং হিচাপে কাৰ্যনিৰ্বাহ কৰিছিল। দীৰ্ঘদিনীয়া কাৰ্যকালৰ পৰা তেওঁ নিজৰ লগত লৈ আহে বিস্তৃত কাৰ্য্যকৰী অভিজ্ঞতা। স্পৰ্শকাতৰ উত্তৰ-পূব অঞ্চলত সন্ত্ৰাসবাদ বিৰোধী অভিযান আৰু কৌশলগত সমন্বয়ৰ ক্ষেত্ৰত তেওঁৰ শক্তিশালী কমাণ্ডৰ বাবে পৰিচিত লেফটেনেণ্ট জেনেৰেল পেন্ধাৰকাৰৰ এই নিযুক্তি এনে এক গুৰুত্বপূৰ্ণ সময়ত হৈছে যেতিয়া ভাৰতে সীমান্ত উত্তেজনা, হাইব্ৰিড যুদ্ধ, আৰু উদীয়মান প্ৰযুক্তিগত ভাবুকিকে ধৰি একাধিক ডমেইনৰ মাজেৰে বিকশিত নিৰাপত্তা প্ৰত্যাহ্বানৰ সন্মুখীন হৈছে।
তেওঁ লেফটেনেণ্ট জেনেৰেল ৰাজীৱ ঘাইৰ ঠাইত এতিয়া ডেপুটি চিফ অৱ আৰ্মী ষ্টাফৰ (ষ্ট্ৰেটেজি) ভূমিকা গ্ৰহণ কৰিব, সেনাবাহিনীৰ ভিতৰত উচ্চ পৰ্যায়ৰ কৌশলগত পৰিকল্পনাৰ ধাৰাবাহিকতা নিশ্চিত কৰিব। এই পৰিৱৰ্তনে ভাৰতীয় সেনাই ক্ৰমান্বয়ে প্ৰত্যাহ্বানজনক বিশ্ব আৰু আঞ্চলিক নিৰাপত্তা পৰিৱেশত সামৰিক অভিযান চলাবলৈ অভিজ্ঞ নেতৃত্বৰ ওপৰত গুৰুত্ব দিয়াৰ প্ৰতিফলন ঘটায়। ডি জি এম অ’ হিচাপে লেফটেনেণ্ট জেনেৰেল পেন্ধাৰকাৰে ভাৰতৰ সামৰিক প্ৰস্তুতি আৰু কৌশলগত ভংগীমাৰ ভৱিষ্যত গঢ় দি কাৰ্যকৰী পৰিকল্পনা, সংকটৰ প্ৰতি সঁহাৰি, আৰু কমাণ্ডৰ মাজত সমন্বয়ৰ ক্ষেত্ৰত গুৰুত্বপূৰ্ণ ভূমিকা পালন কৰিব।
हिन्दुस्थान समाचार / মনোজ কুমাৰ শইকীয়া
