চণ্ডীগড়, ২৭ মাৰ্চ (হি.স.)। কেন্দ্ৰীয় শাসিত অঞ্চল চণ্ডীগড়ৰ সুখনা হ্ৰদত আজিৰে পৰা আৰম্ভ হৈছে দুদিনীয়া বিমান প্ৰদৰ্শন। ভাৰতীয় বায়ুসেনাৰ সূৰিকৰণ দলৰ এৰ’বেটিক্সত দৰ্শকসকল মোহিত হৈ পৰে। আই এ এফৰ যুদ্ধ বিমানে আকাশত ত্ৰিৰংগ আৰু হীৰা গঠন গঠন কৰিছিল। দলটোত চণ্ডীগড়ৰ উইং কমাণ্ডাৰ তেজেশ্বৰ সিং আৰু দিৱাকৰ শৰ্মা নামৰ দুজন পাইলট আছিল।
পুৱাৰে পৰা মহানগৰীৰ সুখনা হ্ৰদত এয়াৰ শ্ব’ৰ সাক্ষী হ’বলৈ সমবেত হয় এক বৃহৎ জনসমাগম। শ্ব’টোৰ বাবে প্ৰি-বুকিংৰ প্ৰয়োজন আছিল, আৰু সেয়েহে, সুখনা হ্ৰদ জনসাধাৰণৰ বাবে বন্ধ কৰি দিয়া হৈছিল। শ্ব’ আৰম্ভ হোৱাৰ আগতেই পাতল বৰষুণ আৰম্ভ হৈছিল যদিও এয়াৰ শ্ব’টোত কোনো ধৰণৰ ব্যাঘাত জন্মা নাছিল আৰু দৰ্শকৰ উৎসাহো কমি যোৱা নাছিল। এয়াৰ শ্ব’ আৰম্ভ হোৱাৰ লগে লগে আকাশত দেখা গ’ল ৯খন বিমান। বায়ুসেনাৰ বি এ ই হক এম কে-১৩২ বিমানে ষ্টাণ্ট কৰিবলৈ আৰম্ভ কৰে।
এছিয়াৰ বিখ্যাত ৯খন বিমানৰ এৰোবেটিক দলৰ সদস্যসকলে আকাশত হীৰা আৰু কেপিটেল এ গঠন কৰি দৰ্শকক আচৰিত কৰি তুলিছিল। বিমানখনে আকাশত ত্ৰিৰংগ গঠন কৰি দেশপ্ৰেমৰ বাৰ্তা প্ৰেৰণ কৰিছিল। শ্ব’টোৰ সময়ত নিখুঁত গঠন, লুপ, ৰোল, ডি এন এৰ গতিও প্ৰদৰ্শন কৰা হৈছিল।
এয়াৰ শ্ব’ৰ সময়ত ৰাজ্যৰ মুখ্য সচিব ৰাজেশ প্ৰসাদে ভাৰতীয় বায়ুসেনাৰ অসাধাৰণ সামৰ্থ্য, অনুশাসন, আৰু নিষ্ঠাৰ প্ৰশংসা কৰে। এই মহান অনুষ্ঠানত অৰিহণা যোগোৱা সকলো বিভাগৰ প্ৰচেষ্টাক প্ৰশংসা কৰি তেওঁ কয় যে এনেধৰণৰ অনুষ্ঠানে যুৱ প্ৰজন্মক অনুপ্ৰাণিত কৰাৰ লগতে দেশপ্ৰেমৰ মনোভাৱক শক্তিশালী কৰাৰ ক্ষেত্ৰত গুৰুত্বপূৰ্ণ ভূমিকা পালন কৰে।
এই উপলক্ষে চণ্ডীগড়ৰ উপ আয়ুক্ত নিশান্ত কুমাৰ, হাৰিয়ানাৰ বিত্তীয় আয়ুক্ত ৰাজহ সুনীতা মিশ্ৰৰ লগতে কেইবাগৰাকীও বিষয়া আৰু বহু সংখ্যক লোক উপস্থিত থাকে।
এয়াৰ শ্ব’ৰ সময়ত এন ডি আৰ এফৰ জোৱানে সুখনা হ্ৰদত নাও ব্যৱহাৰ কৰি আকাশত চৰাইৰ ওপৰত চকু ৰাখিছিল। এয়াৰ শ্ব’ৰ বাবে নিৰাপত্তা, যান-বাহন, ভিৰ ব্যৱস্থাপনাৰ বাবে প্ৰশাসনে ব্যাপক প্ৰস্তুতি চলাইছে। ২৮ মাৰ্চৰ দুপৰীয়ালৈকে সুখনা হ্ৰদ জনসাধাৰণৰ বাবে বন্ধ থাকিব আৰু কেৱল পাছধাৰীকহে প্ৰৱেশৰ অনুমতি দিয়া হ’ব।
কাইলৈ অৰ্থাৎ ২৮ মাৰ্চ, ২০২৬ তাৰিখে এই বিমান প্ৰদৰ্শনীত মুখ্য অতিথি হিচাপে অংশগ্ৰহণ কৰিব পঞ্জাৱৰ ৰাজ্যপাল তথা কেন্দ্ৰীয় শাসিত অঞ্চলৰ প্ৰশাসক গুলাব চান্দ কাটাৰিয়াই।
हिन्दुस्थान समाचार / মনোজ কুমাৰ শইকীয়া
