গোলাঘাট, ২৫ মাৰ্চ (হি.স.)। ৰাজ্যত এতিয়া নিৰ্বাচনৰ গৰম বতাহ । প্ৰতিটো দলৰ প্ৰাৰ্থীয়ে মনোনময়ন দাখিল কৰাৰ পিচতেই আৰম্ভ কৰিছে নিৰ্বাচনী প্ৰচাৰ । ১০৫ নং বোকাখাত সমষ্টিৰ বিৰোধী ঐক্যমঞ্চৰ সমৰ্থিত প্ৰাৰ্থী হৰিপ্ৰসাদ শইকীয়াই জোৰদাৰ কৰি তুলিছে প্ৰচাৰ অভিযান ।

কাজিৰঙাত উপস্থিত হৈ প্ৰচাৰ চলায় প্ৰাৰ্থীগৰাকীয়ে । স্বাস্থ্য, যাতায়ত আৰু শিক্ষাৰ উন্নয়নত প্ৰাধান্য প্ৰদান কৰাৰ কথা প্ৰকাশ কৰে বিৰোধী ঐক্যমঞ্চৰ সমৰ্থিত প্ৰাৰ্থীগৰাকীয়ে । আনহাতে বোকাখাত সমষ্টিত যি ধৰণে উন্নয়ন হ’ব লাগিছিল সেই ধৰণৰ উন্নয়ন নহ’ল বুলি দাবী কৰে প্ৰাৰ্থীগৰাকীয়ে ।

উল্লেখ্যে যে কাজিৰঙাত থকা প্ৰাৰ্থীগৰাকীৰ আত্মীয়, স্বজনৰ আশীৰ্বাদ আৰু সেৱা গ্ৰহণ কৰি সকলোৰে সহযোগিতা কামনা কৰে হৰিপ্ৰসাদ শইকীয়াই।

---------------

হিন্দুস্থান সমাচাৰ / প্ৰকাশ ডেকা