বাৰাণসী, ২২ মাৰ্চ (হি.স.)। উত্তৰ প্ৰদেশৰ বাৰাণসীৰ বাবাটপুৰৰ লাল বাহাদুৰ শাস্ত্ৰী আন্তঃৰাষ্ট্ৰীয় বিমানবন্দৰত দেওবাৰে বিয়লি বিদেশী যাত্ৰীৰ বেগৰ পৰা এটা বৰাসিংহ হৰিণৰ শিঙ উদ্ধাৰ কৰা হয়। বিদেশী যাত্ৰীজনে নিজৰ বেগত হৰ্ণটো লুকুৱাই ৰাখিছিল। নিৰাপত্তাৰক্ষীয়ে বিদেশী যাত্ৰীজনক আটক কৰি তীব্ৰ জেৰা অব্যাহত ৰাখিছে। এই কথা নিশ্চিত কৰিছে ফুলপুৰ আৰক্ষীয়ে। সোধা-পোছাৰ সৈতে বন বিভাগৰ বিষয়াসকলো জড়িত হৈ আছে।

লাভ কৰা তথ্য অনুসৰি, এয়াৰ ইণ্ডিয়া এক্সপ্ৰেছৰ IX ২১৫ বিমানেৰে বেংককলৈ উৰা মাৰিবলৈ বাৰাণসী ভ্ৰমণৰ পিছতে বিয়লি বাবাতপুৰ বিমানবন্দৰত উপস্থিত হয় ৰাছিয়াৰ নাগৰিক দিমিত্ৰী ব্ৰেকিন। নিৰাপত্তাৰক্ষীয়ে এক্স-ৰে স্কেন কৰি বেগটোত এটা বৰাসিংহৰ শিং উদ্ধাৰ কৰা হয়। এই কথা দেখি নিৰাপত্তাৰক্ষীয়ে বিষয়াসকলক এই বিষয়ে অৱগত কৰি যাত্ৰীজনক আটক কৰে।

চি আই এছ এফে আৰক্ষী আৰু বন বিভাগকো অৱগত কৰে, তাৰ পিছত বন বিভাগৰ এটা দল ঘটনাস্থলীত উপস্থিত হৈ উদ্ধাৰ হোৱা শিংটো নিজৰ দখললৈ লৈ যায়। প্ৰাথমিক তদন্তৰ পৰা দেখা গৈছে যে এই গোচৰটো বন্যপ্ৰাণী সৰবৰাহৰ সৈতে জড়িত। ১৯৭২ চনৰ বন্যপ্ৰাণী সুৰক্ষা আইন অনুসৰি ভাৰতত বাৰাসিংহৰ দৰে সংৰক্ষিত বন্যপ্ৰাণীৰ পৰিবহণ আৰু ব্যৱসায়ত বাধা আৰোপ কৰা হৈছে। বন বিভাগৰ বিষয়াসকলে জনোৱা মতে, বিভাগটোৱে বিষয়টোৰ সম্পূর্ণ তদন্ত অব্যাহত ৰাখিছে৷

हिन्दुस्थान समाचार / মনোজ কুমাৰ শইকীয়া