নতুন দিল্লী, ২২ মাৰ্চ (হি.স.)। বৈদেশিক পৰিক্ৰমা মন্ত্ৰালয়ৰ পূব অঞ্চলৰ সচিব পি কুমাৰনে দেওবাৰে কম্বোডিয়াৰ বিখ্যাত টা প্ৰহম মন্দিৰ পৰিদৰ্শন কৰে। এই ভ্ৰমণ বিশেষভাৱে চলি থকা সংৰক্ষণ আৰু পুনৰুদ্ধাৰৰ কামৰ অগ্ৰগতি পৰ্যালোচনাৰ বাবে কৰা হৈছিল। ভাৰতীয় প্ৰত্নতাত্ত্বিক জৰীপ (ASI)ৰ নেতৃত্বত টা প্ৰহম মন্দিৰ পুনৰুদ্ধাৰৰ কাম চলি আছে।

মন্দিৰৰ পুনৰুদ্ধাৰৰ দুটা পৰ্যায় সফলতাৰে সম্পূৰ্ণ হৈছে। বৰ্তমান এই প্ৰকল্পৰ তৃতীয় পৰ্যায়ৰ কাম চলি আছে।

এই প্ৰকল্পই দক্ষিণ-পূব এছিয়াৰ সাংস্কৃতিক ঐতিহ্য সংৰক্ষণৰ প্ৰতি ভাৰতৰ দায়বদ্ধতা প্ৰদৰ্শন কৰাই নহয়, দুয়োখন দেশৰ সভ্যতাৰ সম্পৰ্কও গভীৰ কৰি তোলে।

উল্লেখযোগ্য যে ভাৰতৰ প্ৰত্নতাত্ত্বিক জৰীপ সংস্থাই কম্বোডিয়াৰ বিশ্বৰ অন্যতম বৃহৎ মন্দিৰ অংকোৰবাট মন্দিৰৰ পুনৰুদ্ধাৰৰ কামো কৰিছিল। অংকোৰবাট মন্দিৰ ভগৱান বিষ্ণুৰ নামত উচৰ্গা কৰা হৈছে। তা প্ৰহ্ম মন্দিৰ হৈছে সপ্তম ৰজা জয়বৰ্মনে নিৰ্মাণ কৰা মহাযান বৌদ্ধ মন্দিৰ। ১৯৮৬ চনৰ পৰা ১৯৯৩ চনলৈকে এই মন্দিৰ দুটা পুনৰুদ্ধাৰৰ বাবে ভাৰতে প্ৰথমখন দেশ হিচাপে সহায় আগবঢ়াইছিল। তেতিয়াৰ পৰা ভাৰত এই প্ৰকল্পৰ সৈতে অবিৰতভাৱে জড়িত হৈ আছে।

हिन्दुस्थान समाचार / মনোজ কুমাৰ শইকীয়া