মোৰাদাবাদ, ২২ মাৰ্চ (হি.স.)। প্ৰয়াগৰাজত ক্ৰীড়া সঞ্চালকালয় আৰু উত্তৰ প্ৰদেশ ফুটবল সন্থাৰ উদ্যোগত আয়োজিত ৰাজ্যিক পৰ্যায়ৰ সমন্বিত কনিষ্ঠ ল’ৰা ফুটবল প্ৰতিযোগিতাৰ পঞ্চম দিনৰ আজি মদন মোহন মালবিয়া ষ্টেডিয়ামত সামৰণি পৰে। জিলা ফুটবল সন্থাৰ মৰাদাবাদৰ সাধাৰণ সম্পাদক তথা প্ৰশিক্ষক নাছিৰ কমলে দেওবাৰে কয় যে চতুৰ্থখন খেলত বৰেলী বিভাগে মোৰাদাবাদ সংমণ্ডলৰ দলটোক ৪-০ গ’লত পৰাস্ত কৰে। অভিষেক আৰু আনন্দই দুটাকৈ গ’ল দিয়ে।

ৰাষ্ট্ৰীয় ফুটবল খেলুৱৈ জে পি যাদৱ আৰু নীলেশ ত্ৰিপাঠীয়ে খেলুৱৈসকলক চিনাকি কৰাই দি খেলখনৰ আৰম্ভণি কৰে। প্ৰথমখন খেলত বেৰেলী বিভাগে বিন্ধ্যাচল বিভাগৰ দলক ২-০ গ’লত পৰাস্ত কৰে। আনন্দ ৰাজ সোণ আৰু সাহিলে এটাকৈ গ’ল দিয়ে। দ্বিতীয়খন খেলত গোৰখপুৰ বিভাগে অযোধ্যা বিভাগৰ দলক ১-০ গ’লত পৰাস্ত কৰে। বিজয়ী গ’লটো দিয়ে গোৰখপুৰ সংমণ্ডলৰ বিবেকে।

তৃতীয়খন খেলত বাৰাণসী বিভাগে লক্ষ্ণৌ বিভাগক ২-১ গ’লত পৰাস্ত কৰে। বাৰাণসী বিভাগৰ নয়ন আৰু গোবিন্দে এটাকৈ গ’ল দিয়ে। লক্ষ্ণৌ বিভাগৰ শোভিতে এটা গ’ল দিয়ে।

हिन्दुस्थान समाचार / মনোজ কুমাৰ শইকীয়া