নগাঁও, ২২ মাৰ্চ (হি.স.)। সোমবাৰে নগাঁও জিলা আয়ুক্তৰ কাৰ্যালয়ত মনোনয়ন পত্ৰ দাখিল কৰিব কলিয়াবৰ সমষ্টিৰ বিজেপি মিত্ৰজোঁটৰ প্ৰাৰ্থী কেশৱ মহন্তই। মনোনয়ন পত্ৰ দাখিলৰ পূৰ্বে কলিয়াবৰৰ কুঁৱৰীটোলত পুৱা ৯ বজাত অনুষ্ঠিত হ'বলগা এক জনসভাত কেশৱ মহন্তৰ লগত উপস্থিত থাকিব মুখ্যমন্ত্ৰী ড° হিমন্ত বিশ্ব শৰ্মা। মনোনয়ন পত্ৰ দাখিলৰ আগদিনা কলিয়াবৰৰ বিভিন্ন স্থানত অগপৰ যোগদান কাৰ্যসূচীত অংশগ্ৰহণ কৰে কেশৱ মহন্তই।

ইফালে, ডিমৰীয়া সমষ্টিত ড° তপন দাসেই প্ৰাৰ্থী হ'ব বুলি কয় অগপৰ কাৰ্যকৰী সভাপতি কেশৱ মহন্তই। ড° তপন দাসৰ বিৰুদ্ধে উত্থাপিত অভিযোগৰ কোনো প্ৰমাণ নাই বুলি দাবী কৰে কেশৱ মহন্তই।

হিন্দুস্থান সমাচাৰ / প্ৰকাশ ডেকা