তেহৰাণ, ২২ মাৰ্চ (হি.স.)। ইছলামিক ৰিভল্যুচনেৰী গাৰ্ডছ কৰ্পছে (আই আৰ জি চি) দেওবাৰে পুৱা আমেৰিকা আৰু ইজৰাইলৰ বিৰুদ্ধে “ট্ৰু প্ৰমিজ-৪” সামৰিক অভিযানৰ ৭৩ সংখ্যক দৌৰ আৰম্ভ কৰে। আই আৰ জি চিৰ জনসংযোগ বিভাগৰ তথ্য অনুসৰি এই অঞ্চলত ইজৰাইলৰ অভ্যন্তৰীণ আৰু আমেৰিকাৰ ঘাটিত ক্ষেপণাস্ত্ৰ আৰু ড্ৰ’ন আক্ৰমণৰ এই নতুন দৌৰত ২০০ৰো অধিক লোকৰ মৃত্যু হোৱাৰ লগতে কেইবাজনো লোক আহত হয়।
ইৰাণৰ চৰকাৰী সংবাদ সংস্থা মেহৰৰ এক প্ৰতিবেদন অনুসৰি আই আৰ জি চিয়ে এই নতুন দৌৰক ইমাম আলী সামৰিক অভিযান নামেৰে নামাকৰণ কৰিছে। আই আৰ জি চিয়ে কয় যে ইজৰাইলৰ দখলত থকা দক্ষিণ পেলেষ্টাইন ভূখণ্ডৰ আৰাদ, ডিমোনা, আইলাট, বিয়েৰ শ্বেভা আৰু কিৰিয়াট গাটৰ সামৰিক ঘাটি আৰু নিৰাপত্তাৰক্ষীসমূহত ইৰাণৰ ফাটাহ, কুদৰ, ইমাদ ক্ষেপণাস্ত্ৰ আৰু ধ্বংসাত্মক ড্ৰ’নেৰে নিখুঁতভাৱে আক্ৰমণ কৰা হৈছে।
ইয়াৰ উপৰিও আলী আল-চেলেম, আল-মিনহাদ, আল-ধাফ্ৰাত থকা আমেৰিকাৰ সামৰিক ঘাটিসমূহো এই অঞ্চলত লক্ষ্য কৰি লোৱা হৈছিল। বাতৰি অনুসৰি ইৰাণৰ সশস্ত্ৰ বাহিনীৰ এই আক্ৰমণৰ প্ৰাৰম্ভিক ঘণ্টাত ২০০ৰো অধিক লোক নিহত হোৱাৰ লগতে আন কিছুমান আহত হয়।
हिन्दुस्थान समाचार / মনোজ কুমাৰ শইকীয়া
