ৱেলিংটন (নিউজিলেণ্ড), ২২ মাৰ্চ (হি.স.)। দক্ষিণ আফ্ৰিকাৰ পুৰুষ দলটোৱে পাঁচখন মেচৰ টি-২০ শৃংখলাত পুনৰ উভতি আহি দেওবাৰে চতুৰ্থ টি-২০ত নিউজিলেণ্ডক ১৯ ৰাণত পৰাস্ত কৰি শৃংখলাটো ২-২ ব্যৱধানত সমতা স্থাপন কৰে। ২৫ মাৰ্চত অনুষ্ঠিত হ’ব এই ছিৰিজৰ চূড়ান্ত টি-২০ আই খন।

টছত জয়লাভ কৰি দক্ষিণ আফ্ৰিকাই ৱেলিংটনত প্ৰথমে বেটিং কৰিবলৈ বাছি লৈ ২০ অভাৰত ৫টা উইকেট হেৰুৱাই ১৬৪ ৰান সংগ্ৰহ কৰে। ইয়াৰ উত্তৰত নিউজিলেণ্ডে ১৮.৫ অভাৰত ১৪৫ ৰান সংগ্ৰহ কৰি আউট হয়।

উল্লেখ্য যে ১৬৫ ৰানৰ লক্ষ্য খেদি খেদি নিউজিলেণ্ডে ভাল আৰম্ভণি কৰে, পাৱাৰপ্লেত ৫০ ৰানতকৈ অধিক ৰান সংগ্ৰহ কৰে। অৱশ্যে এই সময়ছোৱাত তেওঁলোকে দুটা উইকেট হেৰুৱাইছিল। কিটন ক্লাৰ্কে ৯ ৰান আৰু টিম ৰবিনছনৰ ৩২ ৰাণত আউট হয়। নৱম অভাৰত নিউজিলেণ্ডৰ তৃতীয় উইকেটটো ২৬ ৰান সংগ্ৰহ কৰা ডেন ক্লিভাৰৰ ৰূপত পৰিল। ইয়াৰ পিছত বেভন জেকবছে ৩ ৰাণত সস্তাতে ৰান কৰে, আৰু অধিনায়ক জেমছ নিছামে ৬ ৰান সংগ্ৰহ কৰে।

১৪ নং অভাৰত নিক কেলিয়ে ১৯ ৰান সংগ্ৰহ কৰাৰ বিপৰীতে ক’ল মেককনচিয়ে ১০ ৰান সংগ্ৰহ কৰি ৰান এৰি দিয়ে। অৱশেষত জেকেৰী ফ’কছে ৭ ৰাণ, জোছ ক্লাৰ্কছনে ১০ ৰাণ আৰু কাইল জেমিছনে ১৩ ৰান সংগ্ৰহ কৰি ১৮.৫ অভাৰত ১৪৫ ৰান সংগ্ৰহ কৰি দলটোক অল আউট কৰি দিয়ে। দক্ষিণ আফ্ৰিকাই ১৯ ৰানত জয়লাভ কৰে।

দক্ষিণ আফ্ৰিকাৰ হৈ জেৰাল্ড কোট্জীয়ে ৩টা উইকেট দখল কৰাৰ বিপৰীতে অটনিয়েল বাৰ্টমেন, প্ৰেনেলান সুব্ৰায়ান, আৰু কেশৱ মহাৰাজে ২টাকৈ উইকেট, আৰু উইয়ান মুল্ডাৰে ১টা উইকেট দখল কৰে।

ইয়াৰ পূৰ্বে দক্ষিণ আফ্ৰিকাই ৫ উইকেটত ১৬৪ ৰান সংগ্ৰহ কৰিছিল। উইকেটকীপাৰ বেটছমেন কন’ৰ এষ্টাৰহুইজেনে ৫৭ ৰান সংগ্ৰহ কৰি তিনিটা ছয় আৰু ৭টা চাৰি ৰান সংগ্ৰহ কৰে। টনি ডি জিঅৰ্জিয়ে ২৩ ৰান, ৰুবিন হাৰ্মানে অপৰাজিত ২৮ ৰান, ডায়েন ফৰেষ্টাৰে ১৯ ৰান, জেছন স্মিথে ১৯ ৰান আৰু জৰ্জ লিণ্ডে অপৰাজিত ১৪ ৰান সংগ্ৰহ কৰে।

নিউজিলেণ্ডৰ হৈ কাইল জেমিছনে দুটা উইকেট দখল কৰাৰ বিপৰীতে জেকি ফকছ, বেন ছিয়াৰ্ছ, আৰু ক’ল মেককনচিয়ে এটাকৈ উইকেট দখল কৰে।

हिन्दुस्थान समाचार / মনোজ কুমাৰ শইকীয়া