নতুন দিল্লী, ২০ মাৰ্চ (হি.স.)। কেন্দ্ৰীয় স্বাস্থ্য আৰু পৰিয়াল কল্যাণ বিভাগৰ ৰাজ্যিক মন্ত্ৰী প্ৰতাপ জাধৱে ঘোষণা কৰে যে ৰাষ্ট্ৰীয় স্বাস্থ্য অভিযানৰ অধীনত ২০২৫-২৬ বিত্তীয় বৰ্ষৰ বাবে হিমাচল প্ৰদেশলৈ ৫০৪.২৯ কোটি টকা মুকলি কৰি দিয়া হৈছে। তেওঁ লগতে কয় যে ৰাষ্ট্ৰীয় স্বাস্থ্য অভিযানৰ অধীনত ২০২৫-২৬ বিত্তীয় বৰ্ষৰ বাবে পঞ্জাৱ, হাৰিয়ানা, ৰাজস্থান, দিল্লী, উত্তৰাখণ্ড, জম্মু আৰু কাশ্মীৰ, আৰু লাডাখলৈ ক্ৰমে ৫৭২.৬৬ কোটি, ৪৮০.৭১ কোটি, ১,৯৫৩.৭৭ কোটি, ২৫৪.৫৪ কোটি, ৫৬৩.১৫ কোটি, ৬৬৯.৩২ কোটি, আৰু ১৪১.৮৬ কোটি টকা মুকলি কৰি দিয়া হৈছে।

ৰাজ্যসভাৰ সাংসদ ইন্দু গোস্বামীয়ে সদনত উত্থাপন কৰা এক প্ৰশ্নৰ উত্তৰত তেওঁ এই তথ্য প্ৰদান কৰে। তেওঁ জনোৱা মতে, ৰাষ্ট্ৰীয় স্বাস্থ্য অভিযানৰ অধীনত ২০২৫-২৬ বিত্তীয় বৰ্ষৰ বাবে উত্তৰ প্ৰদেশৰ বাবে সৰ্বাধিক ৫,০২৭.৪৬ কোটি টকা মুকলি কৰা হৈছে, আনহাতে লক্ষদ্বীপৰ বাবে সৰ্বনিম্ন ১০.৫৫ কোটি টকা মুকলি কৰা হৈছে।

हिन्दुस्थान समाचार / অৰৱিন্দ