দক্ষিণ ভাৰতীয় চিনেমাৰ ছুপাৰষ্টাৰ সূৰিয়াই আকৌ এবাৰ ডাঙৰ পৰ্দাক জোকাৰিবলৈ সাজু। পূৰ্বে ‘সূৰ্য ৪৬’ নামেৰে পৰিচিত তেওঁৰ বহু প্ৰত্যাশিত ছবিখনৰ আনুষ্ঠানিক নাম হৈছে ‘বিশ্বনাথ এণ্ড সন্স’। প্ৰযোজকসকলে ছবিখনৰ প্ৰথমখন পোষ্টাৰো মুকলি কৰি দৰ্শকৰ মাজত উত্তেজনা আৰু অধিক বৃদ্ধি কৰিছে।
পোষ্টাৰখনত সূৰিয়াই এটা ওখ অট্টালিকাৰ ভিতৰত থিয় হৈ থকা দেখা গৈছে, কোলাত এটা সৰু শিশুক লৈ। দুয়োৰে মুখৰ সামান্য হাঁহিটোৱে ছবিখনৰ আৱেগিক কাহিনীৰ ইংগিত দিয়ে। সম্পৰ্ক আৰু আৱেগৰ গভীৰতাক কেন্দ্ৰ কৰি ছবিখনক পাৰিবাৰিক নাটক হিচাপে বৰ্ণনা কৰা হৈছে। ছবিখনৰ পৰিচালনা কৰিছে ভেংকি আটলুৰীয়ে।
সূৰিয়াৰ সৈতে ৰবীনা টণ্ডন আৰু মমিতা বাইজুকো গুৰুত্বপূৰ্ণ চৰিত্ৰত দেখা যাব। ২০২৬ চনৰ জুলাই মাহত ছবিগৃহত মুক্তি পাব বিশ্বনাথ এণ্ড সন্স, যদিও ইয়াৰ সঠিক মুক্তিৰ তাৰিখ এতিয়াও ঘোষণা কৰা হোৱা নাই।
हिन्दुस्थान समाचार / আলোক চক্ৰৱৰ্তী
