নতুন দিল্লী, ১৯ মাৰ্চ (হি.স.)। উচ্চ শিক্ষাৰ নিয়ন্ত্ৰণ কাঠামোৰ প্ৰস্তাৱিত পৰিৱৰ্তনক লৈ কংগ্ৰেছ দলে প্ৰশ্ন উত্থাপন কৰি কয় যে সংসদীয় স্থায়ী সমিতিৰ প্ৰতিবেদনত বিশ্ববিদ্যালয় অনুদান আয়োগ (ইউজিচি) আৰু সৰ্বভাৰতীয় কাৰিকৰী শিক্ষা পৰিষদ (এআইচিটিই)ৰ দৰে গুৰুত্বপূৰ্ণ প্ৰতিষ্ঠানসমূহত বৃহৎ সংখ্যক খালী পদৰ কথা প্ৰকাশ পাইছে। এই সময়ত বিকাশ ভাৰত শিক্ষা প্ৰতিস্থান বিধেয়ক ২০২৫ (ভিবিএছএ) উত্থাপন কৰিবলৈ চৰকাৰে লোৱা পদক্ষেপ চিন্তাৰ বিষয়।
কংগ্ৰেছৰ সাধাৰণ সম্পাদক (যোগাযোগ) তথা সাংসদ জয়ৰাম ৰমেশে দলটোৱে জাৰি কৰা আনুষ্ঠানিক পত্ৰত উল্লেখ কৰিছে যে বৰ্তমানৰ ৰূপত বিধেয়কখনৰ বিৰুদ্ধে দলটোৰ সাতটা আপত্তি আছে। সংবিধানৰ সমান্তৰাল তালিকাত শিক্ষা আছে যদিও খচৰা বিধেয়কৰ সন্দৰ্ভত ৰাজ্য চৰকাৰৰ সৈতে কোনো ধৰণৰ আলোচনা হোৱা নাছিল। ইয়াৰ ফলত ফেডাৰেল গাঁথনি উলংঘা কৰা হৈছে।
পত্ৰখনত উল্লেখ কৰা হৈছে যে বিধেয়কখনত অনুদান প্ৰদানকাৰী পৰিষদৰ ব্যৱস্থা নাই, যিটো ৰাষ্ট্ৰীয় শিক্ষা নীতি ২০২০ত স্পষ্টভাৱে উল্লেখ কৰা হৈছে।ইয়াৰ ফলত শৈক্ষিক প্ৰতিষ্ঠানৰ পৰা অনুদান প্ৰদানৰ ক্ষমতা মন্ত্ৰালয়লৈ স্থানান্তৰিত হ’ব। ইয়াৰ ফলত উচ্চ শিক্ষা কেন্দ্ৰীভূত হ’ব আৰু শৈক্ষিক স্বাধীনতাত প্ৰভাৱ পৰিব। জয়ৰাম ৰমেশে উল্লেখ কৰে যে নতুন ব্যৱস্থাৰ অধীনত ইউজিচি, এআইচিটিই, আৰু এনচিটিইৰ প্ৰশাসন এতিয়া শিক্ষাবিদৰ হাতত নহয়, আমোলাৰ হাতত হ’ব। ইয়াৰ ফলত শিক্ষাৰ শাসন ব্যৱস্থা শৈক্ষিক দৃষ্টিকোণৰ পৰা প্ৰশাসনিক দৃষ্টিকোণলৈ স্থানান্তৰিত হ’ব।
ৰমেশে কয় যে এই বিধেয়কখনে স্বায়ত্তশাসন বজাই ৰখা ৰাষ্ট্ৰীয় গুৰুত্বপূৰ্ণ প্ৰতিষ্ঠানসমূহ (আই আই টি, আই আই এম, এন আই টি, আই আই টি, আৰু আই আই এছ ই আৰ)কো প্ৰভাৱিত কৰিব পাৰে। যদিহে এই বিধেয়কখন কাৰ্যকৰী কৰা হয় তেন্তে এই প্ৰতিষ্ঠানসমূহৰ শৈক্ষিক আৰু প্ৰতিষ্ঠানিক স্বাধীনতাত প্ৰভাৱ পৰিব পাৰে।
তেওঁ কয় যে এই বিধেয়কখনে ইউজিচিৰ পৰামৰ্শ প্ৰক্ৰিয়া দুৰ্বল কৰি বিশ্ববিদ্যালয়সমূহৰ সৈতে আলোচনাৰ প্ৰয়োজনীয়তা নাইকিয়া কৰে। তেওঁ উল্লেখ কৰে যে ৰাষ্ট্ৰীয় শিক্ষা নীতি ২০২০ৰ লক্ষ্য আছিল উচ্চ শিক্ষানুষ্ঠানসমূহক অধিক স্বায়ত্তশাসন প্ৰদান কৰা, কিন্তু এই বিধেয়কখনে ইয়াৰ বিপৰীত কাম কৰে আৰু নিয়ন্ত্ৰণ আৰু অধিক কটকটীয়া কৰে।
हिन्दुस्थान समाचार / অৰৱিন্দ
