নতুন দিল্লী, ১৮ মাৰ্চ (হি.স.)। দিল্লীৰ পালাম অঞ্চলৰ বহুমহলীয়া অট্টালিকাত সংঘটিত হোৱা অগ্নিকাণ্ডক লৈ বুধবাৰে প্ৰধানমন্ত্ৰী নৰেন্দ্ৰ মোদীয়ে গভীৰ শোক প্ৰকাশ কৰে। প্ৰধানমন্ত্ৰীয়ে মৃতকৰ আশ্ৰয়দাতাক ২ লাখ টকাকৈ ক্ষতিপূৰণ দিয়াৰ কথা ঘোষণা কৰে।

ছ’চিয়েল মিডিয়া প্লেটফৰ্ম এক্সত এক পোষ্টত প্ৰধানমন্ত্ৰীয়ে পালামৰ অগ্নিকাণ্ড মৰ্মান্তিক বুলি উল্লেখ কৰি শোকসন্তপ্ত পৰিয়ালবৰ্গলৈ সমবেদনা জ্ঞাপন কৰে। লগতে আহতসকলৰ আশু আৰোগ্য কামনা কৰে। প্ৰধানমন্ত্ৰীয়ে ঘোষণা কৰে যে মৃতকৰ আশ্ৰয়দাতাই প্ৰধানমন্ত্ৰীৰ ৰাষ্ট্ৰীয় সাহায্য পুঁজিৰ পৰা ২ লাখ টকাকৈ এককালিন সাহাৰ্য লাভ কৰাৰ বিপৰীতে আহতসকলে ৫০ হাজাৰকৈ টকা লাভ কৰিব।

উল্লেখযোগ্য যে বুধবাৰে পুৱা প্ৰায় ৭ বজাত পালামৰ ৰাম চক মাৰ্কেটৰ বহুমহলীয়া অট্টালিকাত অগ্নিকাণ্ড সংঘটিত হয়। তথ্য লাভ কৰাৰ লগে লগে কেইবাখনো অগ্নিনিৰ্বাপক বাহিনীৰ গাড়ী ঘটনাস্থলীত উপস্থিত হয় আৰু জুই নিয়ন্ত্ৰণৰ প্ৰচেষ্টা চলোৱা হয়। বৰ্তমান সাহায্য আৰু উদ্ধাৰ অভিযান অব্যাহত আছে, আৰু অগ্নিকাণ্ডৰ কাৰণৰ তদন্ত চলি আছে। এই দুৰ্ঘটনাত এতিয়ালৈকে ৯ জন লোকৰ মৃত্যু হোৱাৰ বিপৰীতে আন কেইবাজনো লোক আহত হোৱাৰ খবৰ পোৱা গৈছে।

हिन्दुस्थान समाचार / মনোজ কুমাৰ শইকীয়া