ঢাকা, ১৩ মাৰ্চ (হি.স.)। শাসকীয় বাংলাদেশ জাতীয়তাবাদী পাৰ্টিৰ (বিএনপি) স্থায়ী সমিতিৰ সদস্য তথা প্ৰধানমন্ত্ৰীৰ ৰাজনৈতিক উপদেষ্টা মিৰ্জা আব্বাছক উন্নত চিকিৎসাৰ বাবে ছিংগাপুৰলৈ লৈ যোৱাৰ প্ৰস্তুতি চলি আছে। বিএনপিৰ মিডিয়া চেলৰ সদস্য শ্বেৰুল কবীৰ খানে কয় যে যদি সকলো ঠিকে থাকে তেন্তে আজি যিকোনো সময়তে তেওঁক এয়াৰ এম্বুলেন্সেৰে ছিংগাপুৰলৈ লৈ যোৱা হ’ব।

ঢাকা ট্ৰিবিউনৰ প্ৰতিবেদন অনুসৰি, ৰাজধানীৰ এভাৰকেয়াৰ হাস্পতালত ভৰ্তি হৈ থকা আব্বাছক নিশা ১০ বজাৰ কিছু সময়ৰ পূৰ্বে কবীৰে সাক্ষাৎ কৰে। বৃহস্পতিবাৰে। তেওঁ পত্নীৰ পৰা আব্বাছৰ স্বাস্থ্য আৰু চলি থকা চিকিৎসাৰ বিষয়ে সোধা-পোছা কৰে। পিছত তেওঁ আব্বাছৰ বিচনাৰ কাষত কিছু সময় কটায় আৰু তেওঁৰ আশু আৰোগ্যৰ বাবে প্ৰাৰ্থনা কৰে।

কবীৰৰ উপৰি দলৰ সাধাৰণ সম্পাদক তথা চৰকাৰী মন্ত্ৰী মিৰ্জা ফখৰুল ইছলাম আলমগীৰ, সমাজ কল্যাণ মন্ত্ৰী ড০ এ জে এম জাহিদ হোছেইন, আৰু জামাতৰ আমিৰ তথা বিৰোধী নেতা ডাঃ ছফিকুৰ ৰহমানেও তেওঁক চিকিৎসালয়ত সাক্ষাৎ কৰে। বুধবাৰে ইফতাৰৰ সময়ত হঠাৎ অসুস্থ হৈ পৰে মিৰ্জা আব্বাছ। সেই নিশাই তেওঁক এভাৰকেয়াৰ হাস্পতালত ভৰ্তি কৰা হৈছিল।

हिन्दुस्थान समाचार / Alok Chakravarty