নতুন দিল্লী, ১২ মাৰ্চ (হি.স.)। সম্পত্তি হস্তান্তৰ আইনৰ অধীনত মুছলমান সম্প্ৰদায়ৰ সদস্যক প্ৰদান কৰা সম্পত্তিৰ উপহাৰৰ পঞ্জীয়ন আৰু ষ্টাম্প শুল্কৰ ৰেহাইক প্ৰত্যাহ্বান জনোৱা আবেদনৰ শুনানি গ্ৰহণ কৰিবলৈ অস্বীকাৰ কৰিছে উচ্চতম ন্যায়ালয়ে । আদালতে আবেদনকাৰীৰ অধিবক্তাক তেওঁৰ গোচৰ আইন আয়োগৰ ওচৰত দাখিল কৰিবলৈ কয়, যিয়ে আইনখনৰ উপযুক্ত পৰিৱৰ্তনৰ পৰামৰ্শ দিব পাৰে।
শুনানিৰ সময়ত মুখ্য ন্যায়াধীশ সূৰ্য্য কান্তে কয় যে, ৭৫ বছৰৰ পাছত আপুনি অনুভৱ কৰিছিল যে এই আইনখনে সংবিধান উলংঘা কৰিছে। আপুনি আইন আয়োগৰ কাষ চাপিব লাগে আৰু তেওঁলোকে ইয়াক বিবেচনা কৰি সিদ্ধান্ত ল'ব। এই আৱেদন দাখিল কৰিছে অধিবক্তা হৰিশংকৰ জৈন আৰু নিবেদিতা শৰ্মাই।
এই আবেদনত সম্পত্তি হস্তান্তৰ আইনৰ ১২৯ নং ধাৰাক প্ৰত্যাহ্বান জনোৱা হৈছে। শুনানিৰ সময়ত আবেদনকাৰীৰ অধিবক্তাই যুক্তি দিছিল যে এই ধাৰাত মুছলমান আইনৰ অধীনত দিয়া উপহাৰৰ ওপৰত বাধ্যতামূলক পঞ্জীয়ন আৰু ষ্টাম্প ড্যুটিৰ প্ৰয়োজন নাই। এই ৰেহাই ৰাজহুৱা ৰাজকোষৰ ক্ষতি কৰে আৰু ই সমতাৰ মৌলিক অধিকাৰৰ স্পষ্ট উলংঘা । ইয়াৰ ফলত সম্পত্তিৰ মালিকীস্বত্বৰ বিষয়ে বিভ্ৰান্তিৰ সৃষ্টি হয়, যাৰ ফলত অপ্ৰয়োজনীয় মামলাৰ সৃষ্টি হয়। এই বিধানে সংবিধানৰ ১৪ নং অনুচ্ছেদ উলংঘা কৰে।
हिन्दुस्थान समाचार / মনোজ কুমাৰ শইকীয়া
