ৱাশ্বিংটন/তেহৰাণ, ১১ মাৰ্চ (হি.স.)। পশ্চিম এছিয়াত চলি থকা সংঘাতৰ মাজতে আমেৰিকাই কয় যে তেওঁলোকৰ সেনাই ইৰাণৰ ক্ষেপণাস্ত্ৰ উৎপাদনৰ আন্তঃগাঁথনি ধ্বংস কৰাৰ বাবে অভিযান চলাই আছে ।

হোৱাইট হাউছৰ প্ৰেছ সচিব কেৰ’লিন লেভিটে কয় যে বিগত ১০ দিনত আমেৰিকাৰ সামৰিক অভিযান অতি সফল হৈছে আৰু সৈন্যই আশা কৰাতকৈ অধিক দ্ৰুতগতিত আগবাঢ়িছে । তেওঁ কয় যে আমেৰিকাৰ সেনাই এতিয়ালৈকে ইৰাণৰ ৫০খনতকৈও অধিক নৌসেনাৰ জাহাজ ধ্বংস কৰিছে, য’ত আছে এখন বৃহৎ ড্ৰ’ন কেৰিয়াৰ।

লেভিটে কয় যে এই কাৰ্য্য আমেৰিকাৰ সামৰিক অভিযান অপাৰেচন এপিক ফিউৰিৰ অধীনত চলোৱা হৈছে আৰু ইয়াৰ লক্ষ্য হৈছে ইৰাণৰ ক্ষেপণাস্ত্ৰ আৰু সামৰিক ক্ষমতা দুৰ্বল কৰা । ৰাষ্ট্ৰপতি ড’নাল্ড ট্ৰাম্পে এই অভিযানৰ লক্ষ্য অতি সোনকালে লাভ কৰিব বুলি আত্মবিশ্বাসী বুলিও তেওঁ উল্লেখ কৰে ।

আনহাতে ইৰাণে ইজৰাইলৰ শক্তি আন্তঃগাঁথনিক লক্ষ্য কৰি লোৱা বুলি দাবী কৰিছে। ইৰাণৰ খাটাম আল আনবিয়াহ সশস্ত্ৰ বাহিনীৰ মুখ্য কাৰ্যালয়ৰ মুখপাত্ৰৰ মতে, হাইফাৰ এটা তেল শোধনাগাৰ আৰু ইন্ধন সংৰক্ষণ টেংকক লক্ষ্য কৰি ড্ৰোন আক্ৰমণ কৰা হৈছে।

ইৰাণে কয় যে এই আক্ৰমণ তেওঁলোকৰ প্ৰতিশোধমূলক সামৰিক অভিযানৰ ৩৩ সংখ্যক ঢৌৰ অংশ আৰু শেহতীয়াকৈ ইৰাণৰ তেল ডিপো আৰু শক্তিৰ সুবিধাসমূহৰ ওপৰত আক্ৰমণৰ প্ৰতিক্ৰিয়া স্বৰূপে সংঘটিত কৰা হৈছে।

हिन्दुस्थान समाचार / মনোজ কুমাৰ শইকীয়া