নতুন দিল্লী, ১১ মাৰ্চ (হি.স.)। উচ্চতম ন্যায়ালয় (সুপ্ৰিম ক'ৰ্ট) আজিৰ দিনটোত এটা গুৰুত্বপূৰ্ণ সিদ্ধান্ত ঘোষণা কৰি প্ৰায় ১৩ বছৰ ধৰি অচেতন অৱস্থাত বিচনাত পৰি থকা গাজীয়াবাদৰ হৰিশ ৰাণাক ইচ্ছামৃত্যুৰ অনুমতি দিছে । জাষ্টিছ জেবি পাৰদীৱালা আৰু জাষ্টিছ কে ভি বিশ্বনাথনৰ দণ্ডবাহিয়ে ১০০ শতাংশ অক্ষমতাৰ সন্মুখীন হৰিশ ৰাণাৰ চিকিৎসা স্থগিত কৰাৰ অনুমতি দিছে।
উচ্চতম ন্যায়ালয়ে এইমছক নিৰ্দেশ দিয়ে যে ৰোগীজনক প্ৰশমনমূলক যত্নত ভৰ্তি কৰাব লাগে যাতে চিকিৎসা সঠিকভাৱে প্ৰত্যাহাৰ কৰিব পৰা যায়, একে সময়তে ৰোগীৰ মৰ্যাদা বজাই ৰাখিব পাৰে। উচ্চতম ন্যায়ালয়ে ইউথেনাচিয়া সম্পৰ্কীয় এক বিস্তৃত আইনৰো পৰামৰ্শ আগবঢ়ায়। ৩২ বছৰীয়া পুত্ৰৰ আৰোগ্য লাভৰ আশা এৰি হৰিশৰ পিতৃ-মাতৃয়ে তেওঁৰ বাবে ইউথেনাচিয়াৰ অনুৰোধ জনাইছিল। এই পদ্ধতিত ৰোগীক জীয়াই ৰখা কৃত্ৰিম সমৰ্থন আঁতৰাই মৰিবলৈ দিয়া হয় ।
২০১৮ চনৰ ৯ মাৰ্চত উচ্চতম ন্যায়ালয়ৰ পাঁচজনীয়া সংবিধান বিচাৰপীঠে ইউথেনাচিয়াৰ অনুমতি দিছিল, য’ত কোৱা হৈছিল যে প্ৰতিজন ব্যক্তিৰ মৰ্যাদাৰে মৃত্যুৰ অধিকাৰ আছে। সংবিধান বিচাৰপীঠে ৰায় দিছিল যে সংবিধানৰ ২১ নং অনুচ্ছেদৰ অধীনত শান্তিপূৰ্ণ মৃত্যুৰ অধিকাৰ জীৱনৰ অধিকাৰৰ অংশ।
हिन्दुस्थान समाचार / মনোজ কুমাৰ শইকীয়া
