টেল আভিভ/তেহৰাণ, ১১ মাৰ্চ (হি.স.)। আমেৰিকা আৰু ইজৰাইলৰ যৌথ সামৰিক অভিযানৰ সন্মুখীন হোৱা ইৰানে এক উল্লেখযোগ্য প্ৰত্যাহ্বানৰ সৃষ্টি কৰিছে। ইৰাণে নিশাৰ ভিতৰতে ইজৰাইললৈ ক্ষেপণাস্ত্ৰ নিক্ষেপ কৰে। ইজৰাইলৰ প্ৰতিৰক্ষা বাহিনীয়ে স্বীকাৰ কৰে যে ইৰাণে নিশাটোৰ ভিতৰতে তিনিটাকৈ ক্ষেপণাস্ত্ৰ আক্ৰমণ চলাইছিল। ইৰাণৰ ইছলামিক ৰিভল্যুচনেৰী গাৰ্ড কৰ্পছে কয় যে যুদ্ধ আৰম্ভ হোৱাৰ পিছত ইজৰাইলৰ ওপৰত সৰ্বাধিক আক্ৰমণ চলাইছে। ইফালে ইজৰাইলে লেবাননৰ ৰাজধানী বেইৰুটত থকা সন্ত্ৰাসবাদী সংগঠন হিজবুল্লাহৰ দুৰ্গ এটাত নিশাৰ ভিতৰতে আক্ৰমণ চলায়।

ইজৰাইলৰ টাইমছত প্ৰকাশিত এক প্ৰতিবেদন অনুসৰি আজি পুৱাই আইডিএফৰ বিষয়াসকলে কয় যে ইৰাণে মাজনিশাৰ পৰা প্ৰায় ৪:৩০ বজাৰ ভিতৰত তিনিটা ক্ষেপণাস্ত্ৰ নিক্ষেপ কৰিছিল । বেছিভাগ ক্ষেপণাস্ত্ৰ আটক কৰি ধ্বংস কৰা হৈছে। কোনো লোক আহত বা হতাহতি হোৱাৰ খবৰ পোৱা নাই। ইৰাণৰ চৰকাৰী সংবাদ সংস্থা তাছনিমৰ মতে, এই আক্ৰমণত দীৰ্ঘ দূৰত্বৰ খোৰৰামশ্বাহৰ বেলিষ্টিক মিছাইলকে ধৰি কেইবাটাও ক্ষেপণাস্ত্ৰ নিক্ষেপ কৰা হয় ।

ইৰাণে কয় যে এই ক্ষেপণাস্ত্ৰসমূহে অঞ্চলটোৰ কেইবাটাও ইজৰাইলৰ ঘাটি আৰু আমেৰিকাৰ ঘাটিক লক্ষ্য কৰি লৈছিল। শত্ৰুক সম্পূৰ্ণৰূপে পৰাজিত নোহোৱালৈকে আক্ৰমণ অব্যাহত থাকিব বুলি উল্লেখ কৰিছে আই আৰ জি চিয়ে। ইৰাণৰ ক্ষেপণাস্ত্ৰৰ গুলীত ক্ষতিগ্ৰস্ত অঞ্চলত এলাৰ্ম চাইৰেন বাজি আছে বুলি আইডিএফে প্ৰকাশ কৰিছে। মানুহক খালী কৰা হৈছে। ইজৰাইলৰ বিষয়াসকলে কয় যে দেশখনৰ প্ৰতিৰক্ষা ব্যৱস্থাই ধাৰাবাহিকভাৱে শত্ৰুৰ ক্ষেপণাস্ত্ৰক বাধা দি কঠিন সময় দিছে । এই আক্ৰমণৰ ফলত টেল আভিভ, মধ্য ইজৰাইলৰ অন্যান্য সম্প্ৰদায় আৰু পশ্চিম পাৰৰ কিছুমান বসতিস্থলত চাইৰেন আৰম্ভ হয়। বেইৰুটৰ হিজবুল্লাহৰ এটা দুৰ্গ ধ্বংস হোৱা বুলি আইডিএফে প্ৰকাশ কৰিছে ।

हिन्दुस्थान समाचार / মনোজ কুমাৰ শইকীয়া