নতুন দিল্লী, ১০ মাৰ্চ (হি.স.)। প্ৰধানমন্ত্ৰী নৰেন্দ্ৰ মোদীয়ে মঙলবাৰে কেন্দ্ৰীয় ঔদ্যোগিক সুৰক্ষা বাহিনীৰ প্ৰতিষ্ঠা দিৱসত সকলো জোৱানক শুভেচ্ছা জ্ঞাপন কৰে। তেওঁ কয় যে দেশৰ জটিল আন্তঃগাঁথনি সুৰক্ষাৰ ক্ষেত্ৰত চিআইএছএফে গুৰুত্বপূৰ্ণ ভূমিকা পালন কৰে।
এই উপলক্ষে দিয়া বাৰ্তাত প্ৰধানমন্ত্ৰীয়ে কয় যে চিআইএছএফ নিজৰ দৃঢ়তা, অনুশাসন আৰু নিষ্ঠাৰ বাবে পৰিচিত। সমগ্ৰ দেশৰ গুৰুত্বপূৰ্ণ প্ৰতিষ্ঠান আৰু সম্পত্তি সুৰক্ষাৰ ক্ষেত্ৰত বাহিনীটোৰ কৰ্মীসকলে গুৰুত্বপূৰ্ণ ভূমিকা পালন কৰে। প্ৰধানমন্ত্ৰীয়ে কয় যে চি আই এছ এফৰ জোৱানসকলৰ অদম্য নিষ্ঠাই ভাৰতৰ সুৰক্ষা আৰু প্ৰগতিৰ ক্ষেত্ৰত উল্লেখযোগ্য অৱদান আগবঢ়ায়।
উল্লেখযোগ্য যে ১৯৬৯ চনৰ ১০ মাৰ্চত কেন্দ্ৰীয় ঔদ্যোগিক নিৰাপত্তা বাহিনী গঠন কৰা হৈছিল।এই বাহিনীটোৱে দেশৰ প্ৰধান ঔদ্যোগিক প্ৰতিষ্ঠান, বিমানবন্দৰ, মেট্ৰ’ নেটৱৰ্ক, বন্দৰ আৰু অন্যান্য গুৰুত্বপূৰ্ণ আন্তঃগাঁথনিৰ নিৰাপত্তাৰ বাবে দায়বদ্ধ। বৰ্তমান সমগ্ৰ দেশৰ বহু স্পৰ্শকাতৰ প্ৰতিষ্ঠানক সুৰক্ষা প্ৰদানৰ বাবে চিআইএছএফ নিয়োগ কৰা হৈছে।
हिन्दुस्थान समाचार / মনোজ কুমাৰ শইকীয়া
