বলীউডৰ অভিনেত্ৰী তাপসী পন্নুুৱে নিজৰ স্পষ্টবাদীতাৰ বাবে পৰিচিত আৰু শেহতীয়াকৈ উদ্যোগটোৰ লুকাই থকা সত্যৰ বিষয়ে মুকলিকৈ ক’লে । এক সাক্ষাৎকাৰত তাপসীয়ে প্ৰকাশ কৰে যে কেৱল মুখ্য অভিনেতাই তেওঁৰ সৈতে কাম কৰিব নিবিচৰাৰ বাবেই তেওঁক কেইবাবাৰো ছবিৰ পৰা বাদ দিয়া হৈছিল।
তাপসীয়ে কয় যে আজিও উদ্যোগটোৰ বহু ঠাইত নায়কৰ প্ৰভাৱে কাষ্টিঙত আধিপত্য বিস্তাৰ কৰিছে। তাই কয়, মোক কেতিয়াও প্ৰত্যক্ষভাৱে কোৱা হোৱা নাছিল, কিন্তু বহুবাৰ অনুভৱ কৰিছিলো যে নায়কে মোক কাষ্ট কৰিব নিবিচৰাৰ বাবে মোক আঁতৰাই দিয়া হৈছে।
লগতে কয় যে যদি পৰিচালকজন শক্তিশালী আৰু প্ৰভাৱশালী নহয় তেন্তে চেটত নায়কৰ চূড়ান্ত কথা কোৱা হয়। তাইৰ মতে, য'ত পৰিচালকজন ডাঙৰ নাম নহয়, তাত নায়কৰ প্ৰভাৱ কাষ্টিং আৰু অন্যান্য সিদ্ধান্তত বেছি।
কৰ্মক্ষেত্ৰত অনুভৱ সিনহাৰ পৰিচালনাত নিৰ্মিত ছবি ‘আছি’ৰ বাবে সম্প্ৰতি বাতৰিৰ শিৰোনাম দখল কৰিছে তাপসী। ছবিখনে সমালোচকৰ প্ৰশংসা লাভ কৰিছিল যদিও বক্স অফিচৰ প্ৰদৰ্শন আশা কৰা ধৰণে নাছিল। ছবিখনে এসপ্তাহত প্ৰায় ₹৭ কোটি টকা উপাৰ্জন কৰে।
हिन्दुस्थान समाचार / মনোজ কুমাৰ শইকীয়া
