নতুন দিল্লী, ২৭ ফেব্ৰুৱাৰী (হি.স.)। শিক্ষা মন্ত্ৰালয়ৰ সন্মুখত প্ৰতিবাদ সাব্যস্ত কৰি গ্ৰেপ্তাৰ হোৱা জৱাহৰলাল নেহৰু বিশ্ববিদ্যালয়ৰ ১৪ গৰাকী ছাত্ৰ-ছাত্ৰীক পাটিয়ালা হাউছ কোৰ্টে জামিন মঞ্জুৰ কৰিছে। আদালতে ১৪ জন ছাত্ৰ-ছাত্ৰীক ২৫ হাজাৰ টকাকৈ জামিনত জামিনৰ নিৰ্দেশ দিয়ে।
যোৱা ২৬ ফেব্ৰুৱাৰীত দিল্লী আৰক্ষীয়ে এইসকল ছাত্ৰক গ্ৰেপ্তাৰ কৰি শুকুৰবাৰে পাটিয়ালা হাউছ কোৰ্টত হাজিৰ কৰোৱাইছিল। দিল্লী আৰক্ষীয়ে এই ছাত্ৰ-ছাত্ৰীসকলৰ ন্যায়িক জিম্মা বিচাৰিছিল। দিল্লী আৰক্ষীয়ে প্ৰতিবাদটো হিংসাত্মক ৰূপ ধাৰণ কৰা বুলি উল্লেখ কৰি এই ছাত্ৰ-ছাত্ৰীসকলক জামিন লাভ কৰিলে পুনৰ হিংসাত্মক কাৰ্য্যৰ আশ্ৰয় ল’ব পাৰে বুলি আশংকা প্ৰকাশ কৰিছে। তদন্ত চলি আছে।
আৰক্ষীৰ মতে, প্ৰায় ৩০০ প্ৰতিবাদকাৰীয়ে জেএনইউৰ চৌহদৰ পৰা শিক্ষা মন্ত্ৰালয়লৈ পদযাত্ৰাৰ আয়োজন কৰিছিল যদিও প্ৰয়োজনীয় অনুমতি লাভ কৰা হোৱা নাছিল। দিল্লী আৰক্ষীয়ে তেওঁলোকক ৰোধ কৰিবলৈ বেৰিকেড স্থাপন কৰিছিল, তাৰ পিছত এই ছাত্ৰ-ছাত্ৰীসকলে আৰক্ষীৰ সৈতে কাজিয়া কৰিছিল, যাৰ ফলত কেইবাজনো আৰক্ষী আহত হৈছিল। আৰক্ষীৰ মতে এই প্ৰতিবাদ শান্তিপূৰ্ণ নাছিল। দিল্লী আৰক্ষীয়ে উল্লেখ কৰিছে যে এই ছাত্ৰ-ছাত্ৰীসকলৰ বহুতেই ইয়াৰ পূৰ্বেও প্ৰতিবাদত অংশগ্ৰহণ কৰিছিল আৰু আনকি বল প্ৰয়োগ কৰিছিল।
শুনানিৰ সময়ত ছাত্ৰ-ছাত্ৰীৰ অধিবক্তাই অভিযুক্ত ছাত্ৰ-ছাত্ৰীসকলে তদন্তত সহযোগ কৰিব বিচৰা আৰু এই সন্দৰ্ভত আদালতক লিখিত প্ৰতিশ্ৰুতি দিবলৈ ইচ্ছুক বুলি উল্লেখ কৰে। ইয়াৰ পিছতে আদালতে ২৫ হাজাৰ টকাকৈ জামিনত আটাইকেইটা ছাত্ৰ-ছাত্ৰীক জামিনত মুকলি কৰি দিয়াৰ নিৰ্দেশ দিয়ে।
हिन्दुस्थान समाचार / মনোজ কুমাৰ শইকীয়া
