কামৰূপ, ২৭ ফেব্ৰুৱাৰী (হি.স.)। শুৱালকুছিত মহাপুৰুষ শ্ৰী শ্ৰী দামোদৰ দেৱৰ ৫৩৮ তম্ জন্মোৎসৱ পালন। সদৌ শুৱালকুছি শ্ৰী শ্ৰী দামোদৰ সংঘ(উৎসৱ সমিতি)ৰ উদ্যোগত আৰু শ্ৰী শ্ৰী শ্যামৰায় সত্ৰ,পূব শুৱালকুছি কোচ ৰাইজৰ সহযোগত দুদিনীয়া কাৰ্যসূচীৰে মহাপুৰুষ শ্ৰী শ্ৰী দামোদৰ দেৱৰ ৫৩৮ তম্ জন্মোৎসৱ পালন কৰা হয়।

পূব শুৱালকুছিৰ শ্ৰী শ্ৰী শ্যামৰায় সত্ৰ প্ৰাঙ্গণত অনুষ্ঠিত হোৱা আজি সামৰণি অনুষ্ঠানৰ কাৰ্যসূচী অনুসৰি পুৱা ধৰ্ম পতাকা উত্তোলন কৰে সদৌ শুৱালকুছি শ্ৰী শ্ৰী দেৱ দামোদৰ সংঘৰ সভাপতি মকুন্দ বৈশ্যই। ৯ বজাত আই সকলৰ নাম প্ৰসঙ্গ,১০ বজাত ভকত সকলৰ নাম প্ৰসঙ্গৰে গুৰুজনাৰ জন্মোৎসৱৰ কাৰ্যসূচীৰ সামৰণি পৰে।

আজিৰ কাৰ্যসূচীত বিশিষ্ট অতিথি হিচাপে উপস্থিত থাকে কামৰূপ জিলা দেৱ দামোদৰ সংঘৰ সম্পাদক আৰু সাংগঠনিক সম্পাদক।

হিন্দুস্থান সমাচাৰ / নিৰ্মলেন্দু