মোহালী, ২৬ ফেব্ৰুৱাৰী (হি.স.)। ইনস্পাইৰ ইনষ্টিটিউট অৱ স্প’ৰ্টৰ (আইআইএছ) পদক্ষেপ “ইণ্ডিয়া নকআউট নাইটছ” বুধবাৰে মোহলীৰ চিজিচি ইউনিভাৰ্চিটি চেণ্টাৰ লনত আৰম্ভণি হয়। সমগ্ৰ কেম্পাছটো গ্ৰেণ্ড বক্সিং এৰিনালৈ ৰূপান্তৰিত কৰা হয়, য’ত প্ৰায় ৩ হাজাৰ দৰ্শকৰ সন্মুখত হাই ভল্টেজৰ বাউট খেলা হয়।

আই আই এছ আৰু পেছাদাৰী বক্সাৰ নীৰজ গোৱাটৰ সহযোগত আয়োজিত এই অনন্য প্লেটফৰ্মত বিভিন্ন ওজনৰ শাখাত মুঠ আঠটা বাউট অনুষ্ঠিত হৈছিল। সন্ধিয়াৰ আৰম্ভণি হৈছিল শিক্ষা আৰু জ্যোতিৰ মাজত ৰোমাঞ্চকৰ ছুপাৰফ্লাইৱেইট বাটেৰে। চাৰি ৰাউণ্ডৰ খেলখনত শিক্ষাই দৰ্শকৰ হৃদয় জয় কৰি জয়লাভ কৰে। গোটেই বাউটবোৰত উত্তেজনা তীব্ৰ আছিল, আৰু চূড়ান্ত ঘণ্টাটোলৈকে পৰিৱেশটো শক্তিশালী হৈ আছিল।

ইণ্ডিয়া নকআউট নাইটছক বহু চহৰীয়া পেছাদাৰী বক্সিং লীগ হিচাপে ডিজাইন কৰা হৈছে, য'ত নিয়মীয়াকৈ যুঁজৰ নিশা থাকে। ইয়াৰ লক্ষ্য হৈছে ভাৰতীয় বক্সাৰসকলক ধাৰাবাহিক প্ৰতিযোগিতামূলক সুযোগ প্ৰদান কৰা, তেওঁলোকৰ অভিজ্ঞতা বৃদ্ধি কৰা, আৰু বৃহৎ বহু-ক্ৰিড়া ইভেণ্টৰ বাহিৰেও এক বহনক্ষম পেছাদাৰী কেৰিয়াৰৰ পথ প্ৰশস্ত কৰা।

এই বিশেষ অনুষ্ঠানত জে এছ ডব্লিউ স্প’ৰ্টছৰ চি ই অ’ দিব্যাংশু সিং, আই আই এছৰ সভাপতি মনীষা মালহোত্ৰা, ভাৰতীয় হকীৰ প্ৰাক্তন অধিনায়ক চৰ্দাৰ সিংকে ধৰি কেইবাগৰাকীও বিশিষ্ট ব্যক্তিও উপস্থিত আছিল।

আই আই এছৰ সভানেত্ৰী মনীষা মালহোত্ৰাই কয় যে ইমান বৃহৎ দৰ্শকে বক্সিং উপভোগ কৰাটো অত্যন্ত উৎসাহজনক।আমাৰ বাবেও ই এক শিক্ষণৰ সুযোগ, আৰু আমি এই মঞ্চৰ অধিক উন্নতিৰ দিশত কাম কৰিম।আমাৰ লক্ষ্য হৈছে বক্সিঙৰ দৃশ্যমানতা, প্ৰতিভা বিকাশ, আৰু খেলুৱৈসকলৰ বাবে স্পষ্ট কেৰিয়াৰ পথ প্ৰদান কৰা।”

ইণ্ডিয়া নকআউট নাইটছৰ সহ-প্ৰতিষ্ঠাপক নীৰজ গায়তে কয় যে, “এইটো আই কে এনৰ প্ৰথম সংস্কৰণ আছিল, গতিকে বহুত শিকিবলগীয়া আছিল।দৰ্শকৰ পৰা পোৱা শক্তি আছিল অবিশ্বাস্য।মই দীৰ্ঘদিন ধৰি এনে এটা আন্দোলনৰ অংশ হোৱাৰ সপোন দেখি আহিছো, আৰু আজি মই অত্যন্ত আনন্দিত হৈছো।”

জে এছ ডব্লিউ স্প’ৰ্টছৰ চি ই অ’ দিব্যাংশু সিঙে কয় যে, এনে প্লেটফৰ্মে ভাৰতীয় বক্সাৰসকলৰ বাবে এক প্ৰকৃত প্ৰতিযোগিতামূলক পথৰ সৃষ্টি কৰে। খেলুৱৈৰ বিকাশৰ বাবে নিয়মীয়া প্ৰতিযোগিতা অতি গুৰুত্বপূৰ্ণ, আৰু এই ধৰণৰ পদক্ষেপে এই ক্ৰীড়াক নতুন উচ্চতালৈ উন্নীত কৰিব পাৰে।

শক্তিশালী আৰম্ভণি আৰু উৎসাহী দৰ্শকৰ সঁহাৰিৰে ‘ইণ্ডিয়া নকআউট নাইটছ’ ভাৰতীয় বক্সিঙৰ বাবে দীৰ্ঘম্যাদী, প্ৰতিযোগিতামূলক, আৰু মনোৰঞ্জনমূলক মঞ্চ হিচাপে পৰিগণিত হোৱাৰ সম্ভাৱনাৰ সংকেত দিছে।

বাউটৰ ফলাফলঃ দীপক তনৱাৰে সাক্ষম সিংক পৰাস্ত কৰে – লাইট হেভিৱেট

সন্দীপ নৈন আৰু অংকিত কুৱাৰ – ছুপাৰ মিডলৱেট (ড্ৰ’)

গুৰদ্বীপ সিঙে ৰিতেশ বিষ্টক পৰাস্ত কৰে – প্ৰদৰ্শনীমূলক প্ৰতিদ্বন্দ্বিতা

শ্বেতাই নন্দিনীক পৰাস্ত কৰিলে – লাইটৱেট

কবি কুমাৰক পৰাস্ত কৰিলে আশীষ ছিৱাচে – ছুপাৰ ফেদাৰৱেইট

বিকাশে অমিত যাদৱক পৰাস্ত কৰে – ৱেলটাৰৱেইট

অংকিত সিঙে আৰ্ষদীপ সিঙক পৰাস্ত কৰে – ক্ৰুজাৰৱেইট

শিক্ষাই জ্যোতিক পৰাজিত কৰে – ছুপাৰ ফ্লাইৱেইট।

हिन्दुस्थान समाचार / অৰৱিন্দ