বলীউডৰ “ড্ৰিম গাৰ্ল” হেমা মালিনীয়ে ধৰ্মেন্দ্ৰৰ মৃত্যুৰ পিছত পাৰিবাৰিক বিবাদৰ খবৰ পাই নিজৰ মৌনতা ভংগ কৰি সকলো উৰাবাতৰি নুই কৰিছে। শেহতীয়াকৈ ছ’চিয়েল মিডিয়াত পৃথক পৃথক প্ৰাৰ্থনা সভাৰ সন্দৰ্ভত বিভিন্ন চৰ্চা চলিছিল আৰু হেমা মালিনীয়ে স্পষ্টভাৱে উল্লেখ কৰিছিল যে পৰিয়ালটো সম্পূৰ্ণ একত্ৰিত আৰু সকলো সদস্যৰ ইজনে সিজনৰ প্ৰতি গভীৰ মৰম আছে।
কথা-বতৰাত হেমাই উল্লেখ কৰে যে সমগ্ৰ পৰিয়ালটোৱে ধৰ্মেন্দ্ৰৰ হৈ একেলগে থিয় দিছে। কন্যা এছা দেউল আৰু আহনা দেউল হওক বা পৰিয়ালৰ আন সদস্য ছানি দেউল আৰু ববি দেউল হওক, সকলোৱে ধৰ্মেন্দ্ৰক বহুত ভাল পায় আৰু ইজনে সিজনৰ লগত ভাল সম্পৰ্ক ভাগ কৰে বুলিও কয়। তেওঁ জোৰ দি কয় যে য’ত ধৰ্মেন্দ্ৰৰ দৰে ব্যক্তিত্ব প্ৰধানৰূপে দেখা যায়, তাত নেতিবাচকতাৰ কোনো স্থান নাই।
ব্যক্তিগত জীৱনৰ সন্দৰ্ভত হেমাই স্পষ্টভাৱে কয় যে তেওঁৰ পৰিয়ালে এই আৱেগিক মুহূৰ্তবোৰ ৰাজহুৱাভাৱে প্ৰদৰ্শন কৰাত বিশ্বাস নকৰে। বৰ্ডাৰ ২ৰ প্ৰদৰ্শনীলৈ আমন্ত্ৰণ জনোৱা হৈছিল যদিও উপস্থিত থাকিব পৰা নাছিল বুলিও কয় ছানীয়ে। ইয়াৰ পিছতো পৰিয়ালটোৰ মাজত কোনো দূৰত্ব নাই আৰু সকলোৱে একেলগে এই কঠিন সময়ৰ সন্মুখীন হৈছে। উৰাবাতৰিৰ প্ৰতি গুৰুত্ব দিয়াৰ পৰিৱৰ্তে সত্য বুজিবলৈ আৰু পৰিয়ালৰ গোপনীয়তাক সন্মান কৰিবলৈ হেমাই আহ্বান জনায়।
हिन्दुस्थान समाचार / মনোজ কুমাৰ শইকীয়া
