গুৱাহাটী, ২৬ ফেব্ৰুৱাৰী (হি.স.)। মুখ্যমন্ত্রী ড০ হিমন্ত বিশ্ব শর্মাই অহা ৩ মাৰ্চত কাজিৰঙা ৰাষ্ট্ৰীয় উদ্যানত চৰকাৰী অৰ্কিড উদ্যান উদ্বোধন কৰিব । উক্ত অনুষ্ঠানত ভাৰত-বিদেশৰ পৰাও পৰ্যটকসকল উপস্থিত থাকিব।

প্ৰায় ₹১৬ কোটিৰো অধিক ব্যয়ৰে নিৰ্মিত এই অৰ্কিড বাগিচাখন আন্তঃৰাষ্ট্ৰীয় মানদণ্ডত উন্নত কৰা হৈছে। অসমৰ চহকী জৈৱ বৈচিত্ৰ্য, বিশেষকৈ অৰ্কিড প্ৰজাতিৰ প্ৰদৰ্শনৰ লক্ষ্যৰে উদ্যানখন।

এই নতুন আকৰ্ষণে কাজিৰঙাৰ পৰ্যটন বৃদ্ধিৰ লগতে দেশী-বিদেশী পৰ্যটকৰ সংখ্যা বৃদ্ধি কৰিব বুলি আশা কৰিছে ৰাজ্য চৰকাৰে।

हिन्दुस्थान समाचार / মনোজ কুমাৰ শইকীয়া