ইম্ফল, ২৫ ফেব্ৰুৱাৰী (হি.স.)। ৰাজ্যৰ বিভিন্ন প্ৰান্তত মণিপুৰ আৰক্ষী আৰু নিৰাপত্তা বাহিনীয়ে চলোৱা অভিযানৰ সময়ত মুঠ ছয়জন বিভিন্ন উগ্ৰপন্থী সংগঠনৰ সদস্য গ্ৰেপ্তাৰ কৰা হৈছে। ধৃত কেইজনৰ ভিতৰত তিনিটা পিএলএ, ২টা প্ৰিপাক আৰু এটা প্ৰিপাক (প্ৰ’) উগ্ৰপন্থী সংগঠনৰ সদস্য আছে।

মণিপুৰ আৰক্ষীয়ে আজি প্ৰদান কৰা আনুষ্ঠানিক তথ্য অনুসৰি মঙলবাৰে টেংগনৌপাল জিলাৰ মৰেহ থানাৰ অন্তৰ্গত ইয়াংগুবুঙৰ মাজৰ সীমান্ত চকী (বি পি) ৭২-৭৩ৰ সাধাৰণ এলেকাৰ পৰা নিৰাপত্তা বাহিনীয়ে তিনিজন পিএলএ কেডাৰ আৰু এজন প্ৰিপাক (প্ৰ’) কেডাৰক গ্ৰেপ্তাৰ কৰে।

ইম্ফল পূৱ জিলাৰ টাকেল মাখা লাইকাইৰ বাসিন্দা পিএলএ কেডাৰ চালাম্বা তখেলাম্বম (২৩), ইম্ফল পূৱ জিলাৰ আইংগাংপক্কিৰ বাসিন্দা পিএলএ কেডাৰ সৌৰকপাম ওজিত (৩৩), পিএলএ কেডাৰ সোৰোখাইবাম মণিমাতুম (১৮), কাকচিং জিলাৰ চৈৰেন মাখা লাইকাইৰ বাসিন্দা আৰু প্ৰেপাক (প্ৰ') কেডাৰ ইম্ফল পূব জিলাৰ নংমেইবুঙৰ বাসিন্দা য়াম্বেম লুখোই (২১)।

আন এক অভিযানত নিৰাপত্তা বাহিনীয়ে ইম্ফল পশ্চিম জিলাৰ লামছাং থানাৰ অন্তৰ্গত লামছাং থং মানিকত থকা নিজা বাসগৃহৰ পৰা ছৰোখাইবাম ইনাৱটন সিং ওৰফে নোজান (৩৯) নামৰ এজন সক্ৰিয় প্ৰেপাকৰ কেডাৰক গ্ৰেপ্তাৰ কৰে। তেওঁৰ পৰা জব্দ কৰে এটা মোবাইল ফোন আৰু চিম কাৰ্ড।

ইফালে তৃতীয়টো অভিযানত নিৰাপত্তা বাহিনীয়ে প্ৰিপাকৰ সক্ৰিয় কেডাৰ ছাগোলশ্বেম জন সিং (৪৩)ক আটক কৰে। তেওঁ থৌবাল জিলাৰ থৌবাল হাওখা মামাং লাইকাইৰ বাসিন্দা। তেওঁৰ আৱাসিক এলেকাত গ্ৰেপ্তাৰ কৰা হয়। তেওঁৰ হাতত এটা মোবাইল ফোন, দুখন চিম কাৰ্ড, আৰু এখন দুচকীয়া বাহন উদ্ধাৰ কৰে।

এই সন্দৰ্ভত আৰক্ষীয়ে প্ৰয়োজনীয় আইনী ব্যৱস্থা গ্ৰহণ কৰিছে।

হিন্দুস্থান সমাচাৰ / অৰৱিন্দ