নতুন দিল্লী, ২৪ ফেব্ৰুৱাৰী (হি.স.)। কেন্দ্ৰীয় চৰকাৰে কেৰালাৰ নাম কেৰালামলৈ সলনি কৰাৰ পিছতে কংগ্ৰেছৰ সাংসদ শশী থাৰুৰে ৰাজ্যখনৰ বাসিন্দাসকলক কি নামেৰে নামাকৰণ কৰা হ’ব বুলি প্ৰশ্ন কৰে। এতিয়ালৈকে ৰাজ্যখনৰ জনসাধাৰণক কেৰালাইট বুলি কোৱা হৈছিল যদিও এতিয়া তেওঁলোকক কেৰালামাইট আৰু কেৰালামনিয়ান বুলি ক'লে বেক্টেৰিয়া বা খনিজৰ দৰে শুনা যাব। অৱশ্যে ৰাজ্যৰ বিজেপিৰ সভাপতি ৰাজীৱ চন্দ্ৰশেখৰে এই পদক্ষেপে ৰাজ্যৰ সংস্কৃতি আৰু অৰ্থনীতিক এক নতুন দিশ প্ৰদান কৰিব বুলি মন্তব্য কৰে।

এতিয়া ৰাজ্যখনৰ নামটো কেৰালামলৈ সলনি কৰাৰ পিছত ইয়াৰ মানুহে কেৰলামাইট বুলি কোৱাটো কোনো জীৱানুৰ দৰে লাগিব আৰু কেৰালামিয়ন নামটো বিৰল খনিজ পদাৰ্থৰ দৰে শুনা যাব। নতুন নামৰ সিদ্ধান্ত লোৱাৰ বাবে মুখ্যমন্ত্রীয়ে প্রতিযোগিতা আৰম্ভ কৰিব লাগে বুলি তেওঁ পৰামৰ্শ আগবঢ়ায়।

ৰাজ্যিক বিজেপিৰ সভাপতি ৰাজীৱ চন্দ্ৰশেখৰে সাংবাদিকৰ সৈতে হোৱা কথা-বতৰাত কয়, আমাৰ ৰাজ্যক কেৰালম বুলি কোৱাটো উপযুক্ত হ'ব কাৰণ আমি আমাৰ পৰম্পৰা আৰু সংস্কৃতি ৰক্ষা কৰি আধুনিক আৰু প্ৰগতিশীল অৰ্থনীতি গঢ়িম। প্ৰতিজন মালয়ালীয়ে পৰিৱৰ্তন বিচাৰে আৰু মিছা প্ৰতিশ্ৰুতিৰ ৰাজনীতি পৰিত্যাগ কৰি প্ৰদৰ্শনৰ ৰাজনীতি আকোৱালি ল'ব বিচাৰে। বিজেপি আৰু এনডিএ মিত্ৰজোঁটে আধৰুৱা কাম সম্পূৰ্ণ কৰাত বিশ্বাস কৰে, আৰু সেয়া আমাৰ আমাৰ গৌৰৱময় কেৰালামৰ ঐতিহ্য, ইতিহাস, সংস্কৃতি আৰু পৰম্পৰা ৰক্ষাৰ দায়িত্ব।'

हिन्दुस्थान समाचार / মনোজ কুমাৰ শইকীয়া