বলীউডৰ অভিনেতা অক্ষয় কুমাৰে তেওঁৰ আগন্তুক ছবি ভূত বাংলাৰ বাবে বাতৰিৰ শিৰোনাম দখল কৰিছে। হৰৰ-কমেডী ধাৰালৈ উভতি আহি অক্ষয় আকৌ এবাৰ দৰ্শকক ভয় আৰু হাঁহিৰ এক অনন্য মিশ্ৰণ দিবলৈ সাজু হৈছে। ছবিখনৰ প্ৰথমখন মোচন পোষ্টাৰ মুক্তি পোৱাৰ পূৰ্বেও উত্তেজনাৰ সৃষ্টি কৰিছে।

অক্ষয় কুমাৰৰ অনন্য আৰু ৰহস্যময় ৰূপ প্ৰদৰ্শন কৰা এই মোচন পোষ্টাৰখন পৰিচালক প্ৰিয়দৰ্শনে শ্বেয়াৰ কৰিছে। পোষ্টাৰখনত অক্ষয়ক ভয়ংকৰ সিংহাসনত বহি থকা দেখা গৈছে। গাঢ় ৰঙৰ চশমা পিন্ধি ডিঙিত আৰু হাতত কেইবাটাও ৰুদ্ৰাক্ষৰ গুটি পিন্ধিছে। তান্ত্ৰিকৰ দৰে তেওঁৰ চাৰ্টবিহীন অৱতাৰে ছবিখনৰ ছাচপেন্স আৰু ৰোমাঞ্চক আৰু অধিক বৃদ্ধি কৰে।

মন কৰিবলগীয়া যে অক্ষয়ে পূৰ্বে ভূত ভুলাইয়াত কমিক-হ'ৰ'ৰ শৈলীৰে দৰ্শকক মোহিত কৰিছিল, আৰু এতিয়া তেওঁ পুনৰবাৰ ভূত বাংলাৰ জৰিয়তে একেটা ধাৰালৈ ঘূৰি আহিছে। ছবিখনত অক্ষয়ৰ সৈতে গুৰুত্বপূৰ্ণ চৰিত্ৰত অভিনয় কৰিছে বামিকা গাব্বি, টাবু, আৰু পৰেশ ৰাৱালে। অহা ১০ এপ্ৰিলত ছবিগৃহত মুক্তি পাবলগীয়া ছবিখনে দৰ্শকক সঁচাকৈয়ে এক অনন্য চিনেমাৰ অভিজ্ঞতা প্ৰদান কৰাৰ প্ৰতিশ্ৰুতি দিছে।

हिन्दुस्थान समाचार / আলোক চক্ৰৱৰ্তী