নতুন দিল্লী, ২৩ ফেব্ৰুৱাৰী (হি স)। নবীকৰণযোগ্য শক্তি কোম্পানী ক্লিন মেক্স এনভাইৰ’ এনাৰ্জি ছলিউচনছ লিমিটেডৰ প্ৰাৰম্ভিক ৰাজহুৱা প্ৰস্তাৱ (আই পি অ’) সোমবাৰে চাবস্ক্ৰিপচনৰ বাবে মুকলি কৰা হয়। বিনিয়োগকাৰীয়ে ২৫ ফেব্ৰুৱাৰীলৈকে বিনিয়োগ কৰিব পাৰিব। কোম্পানীটোৱে আই পি অ’ৰ বাবে ₹১,০০০–₹১,০৩৫ ৰ মূল্যৰ বেণ্ড নিৰ্ধাৰণ কৰিছে।
আই পি অ’ মুকলিৰ পূৰ্বে ২১ ফেব্ৰুৱাৰীত ক্লিন মেক্স এনভাইৰ’ এনাৰ্জি ছলিউচনছ লিমিটেডে বিশিষ্ট এংকৰ বিনিয়োগকাৰীৰ পৰা ₹৯২১ কোটি টকা সংগ্ৰহ কৰে। কোম্পানীটোৱে বিনিয়োগকাৰীক ৮৭,৪৬,৪৩৭টা ইকুইটি শ্বেয়াৰ আবণ্টন দিছিল প্ৰতি শ্বেয়াৰত ১,০৫৩ ₹। ক্লিন মেক্স এনভাইৰ’ এনাৰ্জীৰ আই পি অ’ৰ আকাৰ ₹৩,১০০ কোটি।
নৱীকৰণযোগ্য শক্তি সমাধান প্ৰদানকাৰী কোম্পানীয়ে আই পি অ’ৰ বাবে মূল্যৰ সীমা (প্ৰাইচ বেড়) ₹১,০০০–₹১,০৩৫ মূল্যৰ নিৰ্ধাৰণ কৰিছে। কোম্পানীয়ে এই ইস্যুৰ জৰিয়তে নতুন শ্বেয়াৰ আৰু অফাৰ ফৰ চেল (ও এফ এছ) দুয়ো আনি আছে। বিনিযোক্তাসকলে ইয়াত কমেও ১৪ টা একুইটি শ্বেয়াৰৰ বাবে বিড কৰিব পাৰে আৰু তাৰ পাছত ১৪ টা একুইটি শ্বেয়াৰৰ গুণিতকত বিড কৰিব পাৰে।
ক্লিন মেক্স এনভাইৰ’ এনাৰ্জি ছলিউচনছ লিমিটেড হৈছে ২০১০ চনত ভাৰতৰ মুম্বাইত প্ৰতিষ্ঠা হোৱা এটা বাণিজ্যিক আৰু উদ্যোগিক নবীকৰণযোগ্য শক্তি কোম্পানী। কুলদীপ জৈন, প্ৰতাপ জৈন, আৰু নিধি জৈনে কৰ্পৰেট প্ৰমোটাৰ বিজিটিএফ ৱান হোল্ডিংছ লিমিটেড আৰু কেএমপিএনচি এলএলপিৰ সৈতে প্ৰতিষ্ঠা কৰিছিল।
हिन्दुस्थान समाचार / মনোজ কুমাৰ শইকীয়া
