শিৱসাগৰ, ২২ ফেব্ৰুৱাৰী (হি.স.): শিৱসাগৰৰ ভাধৰা কৃষিপাম নিগমৰ স্থানীয় বাসিন্দা সকল এতিয়া উৎফুল্লিত হৈ পৰিছে ৷ ২৪৭টাকৈ পৰিয়ালে লাভ কৰিব ভূমি পট্টা৷ ২,৫৬৯বিঘা ভূমি পট্টা লাভ কৰিব ভাধৰা কৃষিপাম নিগমৰ স্থানীয় বাসিন্দাই৷

উল্লেখ্য যে ১৯৭৩ চনত শিৱসাগৰ সমষ্টিৰ বিধায়ক প্ৰয়াত প্ৰমোদ গগৈৰ দিনত ২,৫৬৯ বিঘা ভূমিত স্থাপন হৈছিল শিৱসাগৰ ভাধৰা কৃষিপাম নিগম৷ প্ৰায় ২০২১চনত বন্ধ হৈ পৰে এই কৃষি পাম নিগম, ইয়াৰ পিছতেই ছন পৰি ৰয় ২,৫৬৯বিঘা কৃষি ভূমি৷ এতিয়া যেন আশাাৰ ৰেঙণি ঘূৰি আহিছে শিৱসাগৰ ভাধৰা কৃষিপাম নিগমৰ ৰাইজলৈ৷ উৎফুল্লিত হৈ পৰিছে শিৱসাগৰৰ ভাধৰা কৃষি পাম নিগমৰ ৰাইজ৷

সমষ্টিৰ পুনৰনিৰ্ধাৰণ পিছতেই শিৱসাগৰ সমষ্টিৰ পৰা ডিমৌ সমষ্টিত অন্তভুক্ত হৈছিল শিৱসাগৰৰ ভাধৰা কৃষিপাম নিগম৷ ইয়াৰ পিছতেই ডিমৌ সমষ্টিৰ বিধায়ক সুশান্ত বৰগোহাঁইক আবেদন কৰিছিল ভূমিপট্টা প্ৰদানৰ বাবে, লগতে বিধায়ক সুশান্ত বৰগোহাঁইয়ে ৰাইজক প্ৰতিশ্ৰুতি দিছিল ভূমি পট্টা লাভ কৰিব বুলি৷ আৰু সেই আবেদন, প্ৰতিশ্ৰুতি বিধায়ক সুশান্ত বৰগোহাঁইয়ে পূৰণ কৰাক লৈ উৎফুল্লিত শিৱসাগৰৰ ভাধৰা কৃষিপাম নিগমৰ স্থানীয় ৰাইজ৷

অসমৰ মুখ্যমন্ত্ৰী ড° হিমন্ত বিশ্ব শৰ্মা আৰু বিধায়ক সুশান্ত বৰগোহাঁইক ধন্যবাদ জ্ঞাপন কৰিলে শিৱসাগৰ ভাধৰা কৃষিপাম নিগমৰ ৰাইজে৷

হিন্দুস্থান সমাচাৰ / কিশোৰ মিশ্ৰ