বলীউডৰ অভিনেত্ৰী তাপসী পন্নু আৰু কংগনা ৰানাৱতৰ মাজত দীৰ্ঘদিনীয়া কাজিয়াৰ অন্ত পৰা যেন দেখা গৈছে। শেহতীয়াকৈ দিয়া এক সাক্ষাৎকাৰত তাপসীয়ে অতীতৰ মতানৈক্যক পিছলৈ থৈ কংগনাৰ সৈতে সম্পৰ্ক শুধৰোৱাৰ ইচ্ছা প্ৰকাশ কৰে। তাই স্পষ্টকৈ কৈছিল যে কংগনাৰ প্ৰতি তাইৰ কোনো ব্যক্তিগত কু-ইচ্ছা নাই আৰু বন্ধুত্বৰ বাবেও মুকলি।
এক সাক্ষাৎকাৰত তাপসীয়ে এই বিতৰ্ক সন্দৰ্ভত নিজৰ স্থিতি স্পষ্ট কৰে। তাই ক'লে, মই কেতিয়াবা যুঁজিলোঁ নে নাই নাজানো। দুজন মানুহৰ সংঘৰ্ষ হ'লে কাজিয়া হয়, কিন্তু মই কেতিয়াও কৰা নাছিলো। মোৰ অতীতৰ বক্তব্যবোৰ চাওক। মই কেতিয়াবা তাইৰ বিৰুদ্ধে কিবা কৈছোনে?
তাপসী পন্নুৱে কয় যে তেওঁ বিতৰ্ক আৰম্ভ কৰা নাছিল। কংগনাৰ ভগ্নী ৰঙালী চাণ্ডেলে তেওঁক সস্তীয়া কপি বুলি কোৱাৰ কথা মনত পেলাইছিল। তাপসীয়ে কয়, যদি তেওঁ (কংগনা ৰানাৱট) ইমান মেধাৱী অভিনেত্ৰী হয়, তেন্তে তেওঁৰ কপি বুলি কোৱাত মোৰ কোনো সমস্যা নাই। মই ইয়াক প্ৰশংসা হিচাপে লওঁ।
কংগনাৰ সৈতে বন্ধুত্বৰ বাবে মুকলি বুলি স্পষ্ট কৰি দিয়ে তাপসীয়ে। তাই ক'লে, ক'ৰবাত লগ পালে নিশ্চয় গৈ 'হেল্ল' ক'ম। তেওঁ মোৰ চিনিয়ৰ, তেওঁ সঁহাৰি দিব বুলি মই নিশ্চয়তা দিব নোৱাৰো, কিন্তু তেওঁৰ প্ৰতি মোৰ কোনো অসুভ অনুভৱ নাই ।
কৰ্মক্ষেত্ৰত ২০ ফেব্ৰুৱাৰীত চিনেমাগৃহত মুক্তি পোৱা ছবি আছিৰ বাবে সম্প্ৰতি বাতৰিৰ শিৰোনাম দখল কৰিছে তাপসী পন্নুৱে । অনুভৱ সিনহাৰ পৰিচালিত ছবিখনে বক্স অফিচত লেহেমীয়া আৰম্ভণি কৰিলেও সমালোচকৰ পৰা ইতিবাচক সমালোচনা লাভ কৰিছে।
हिन्दुस्थान समाचार / Manoj Kumar Saikia
