ৱাশ্বিংটন, ২১ ফেব্ৰুৱাৰী (হি.স.)। আমেৰিকাৰ উচ্চতম ন্যায়ালয়ৰ ৰায়দানৰ পিছত ৰাষ্ট্ৰপতি ড’নাল্ড ট্ৰাম্পে ১০% বিশ্বব্যাপী শুল্ক আৰোপ কৰি কাৰ্যবাহী আদেশ জাৰি কৰিছে, যিটো তৎক্ষণাত কাৰ্যকৰী হ’ব। বৰ্তমান আমেৰিকাৰ শুল্কৰ উপৰিও আৰোপ কৰা এই শুল্কে ভাৰতকে ধৰি সকলো দেশকে প্ৰভাৱিত কৰিব।
আমেৰিকাৰ উচ্চতম ন্যায়ালয়ে শেহতীয়া শুল্কক অসাংবিধানিক বুলি ঘোষণা কৰাৰ পিছত ২১ ফেব্ৰুৱাৰীত ৰাষ্ট্ৰপতি ট্ৰাম্পে সকলো দেশৰ ওপৰত ১০% বিশ্বব্যাপী শুল্ক আৰোপ কৰি কাৰ্যকৰী আদেশ জাৰি কৰে। হোৱাইট হাউছে ট্ৰুথছ’চিয়েলত ট্ৰাম্পৰ পোষ্টটো শ্বেয়াৰ কৰি কয় যে ৰাষ্ট্ৰপতিয়ে সকলো দেশৰ ওপৰত ১০% বিশ্বব্যাপী শুল্ক আৰোপ কৰি কাৰ্যবাহী আদেশত স্বাক্ষৰ কৰিছে, যিটো তৎক্ষণাত কাৰ্যকৰী হ’ব।
আমেৰিকাৰ উচ্চতম ন্যায়ালয়ে এদিন পূৰ্বে ট্ৰাম্পৰ শুল্ক নীতিক অসাংবিধানিক বুলি ঘোষণা কৰিছিল। ট্ৰাম্পে এই ৰায়ক হতাশাজনক বুলি অভিহিত কৰি কয় যে তেওঁৰ যুক্তি উচ্চতম ন্যায়ালয়ত সঠিকভাৱে শুনা নাযায়। ট্ৰাম্পে কয় যে তেওঁ এনে সিদ্ধান্তৰ আশা কৰা নাছিল।
हिन्दुस्थान समाचार / মনোজ কুমাৰ শইকীয়া
