ধুবুৰী, ২১ ফেব্ৰুৱাৰী (হি.স.): এটা পথৰ বাবে নৰক যন্ত্ৰণা ভোগ কৰিব লগা হৈছে বৃহত্তৰ ফকিৰগঞ্জ বাসী ৰাইজ।গৰাখহনীয়াই বিধ্বস্ত কৰা ফকিৰগঞ্জত প্ৰায়েই ব্যাহত হৈ পৰিছে যাতায়াত ব্যৱস্থা ।

ধুবুৰী জিলাৰ ৯ নং বিৰসিং জৰুৱা বিধান সভা সমষ্টিৰ অন্তৰ্গত আইৰকাটা - ফকিৰগঞ্জ সংযোগী একমাত্ৰ পথছোৱা গৰা খহনীয়াৰ কৱলত পৰি নৈৰ বুকুত বিলীন হোৱাত বিধ্বস্ত পথৰে বহুত কষ্টেৰে যাতায়ত কৰিব লগীয়া হৈছে হাজাৰ হাজাৰ ৰাইজ । উক্ত পথেৰে প্ৰতিদিনে প্ৰায় ২০ খনকৈ বাছগুৱাহাটীলৈ যাতায়ত কৰে, কেতিয়াবা বালিৰ মাজত আৱদ্ধ হৈ পৰে বাছ সমূহ। অতি সোনকালেই স্থায়ী ভাৱে যাতায়ত ব্যৱস্থা সুচল কৰাৰ দাবী জনাইছে স্থানীয় ৰাইজে ।

হিন্দুস্থান সমাচাৰ / কিশোৰ মিশ্ৰ