গুৱাহাটী, ২১ ফেব্ৰুৱাৰী (হি.স.)।কেন্দ্ৰীয় মন্ত্ৰী অমিত শ্বাহে আজি গুৱাহাটীৰ সৰুসজাইৰ অৰ্জুন ভোগেশ্বৰ বৰুৱা ক্ৰীড়া কমপ্লেক্সত অনুষ্ঠিত কেন্দ্ৰীয় সশস্ত্ৰ আৰক্ষী বাহিনীৰ ৮৭ সংখ্যক উত্থান দিৱস উদযাপনত অংশগ্ৰহণ কৰে।
চি আৰ পি এফে আয়োজন কৰা পেৰেডত মুখ্য অতিথি হিচাপে কেন্দ্ৰীয় গৃহমন্ত্ৰী শ্বাহে পেৰেড পৰিদৰ্শন কৰি অভিবাদন গ্ৰহণ কৰে ।
আজি গুৱাহাটীৰ সৰুসজাইৰ অৰ্জুন ভোগেশ্বৰ বৰুৱা ক্ৰীড়া কমপ্লেক্সত চি আৰ পি এফৰ উদ্যোগত এক বিশেষ ভৱিষ্যৎ অনুষ্ঠানৰ আয়োজন কৰা হয়। চি আৰ পি এফ উত্থাপন দিৱস উদযাপনত ভাষণ দি তেওঁ বাহিনীটোৰ কামৰ প্ৰশংসা কৰে।
এই উপলক্ষে বেণ্ডকে ধৰি চি আৰ পি এফৰ কিছুমান আকৰ্ষণীয় কাৰ্যসূচীও উপস্থাপন কৰা হয়। চি আৰ পি এফে বিভিন্ন অভিযানত ব্যৱহাৰ কৰা বিভিন্ন অত্যাধুনিক সশস্ত্ৰ বাহনসমূহো প্ৰদৰ্শন কৰা হয়।
আজি অমিত শ্বাহৰ দুদিনীয়া অসম ভ্ৰমণৰ দ্বিতীয় দিন। এই অনুষ্ঠানৰ পিছতে কেন্দ্ৰীয় গৃহমন্ত্ৰীগৰাকীয়ে গুৱাহাটীৰ সোণাপুৰৰ কচুতলী ভ্ৰমণ কৰি দশম অসম আৰক্ষী বেটেলিয়নৰ মুখ্য কাৰ্যালয়ৰ আধাৰশিলা স্থাপন কৰিব।
এই উপলক্ষে মুখ্যমন্ত্ৰী ড০ হিমন্ত বিশ্ব শৰ্মা আৰু চি আৰ পি এফৰ সঞ্চালক প্ৰধান জি পি সিং উপস্থিত থাকে।
কেন্দ্ৰীয় গৃহমন্ত্ৰীগৰাকীয়ে কয় যে অসাধাৰণ প্ৰদৰ্শন, সাহস, ধৈৰ্য্য, সাহস, ত্যাগৰ দ্বাৰা ৮৬ বছৰ ধৰি দেশৰ আভ্যন্তৰীণ নিৰাপত্তা শক্তিশালী কৰি তুলিছে চি আৰ পি এফে। ৮৬ বছৰ ধৰি চি আৰ পি এফে নিজৰ অসাধাৰণ প্ৰদৰ্শন, সাহস, ধৈৰ্য্য, সাহস, আৰু ত্যাগৰ দ্বাৰা দেশৰ আভ্যন্তৰীণ নিৰাপত্তা শক্তিশালী কৰি আহিছে। পৰম ত্যাগ কৰা বাহিনীটোৰ ২,২৭০ জন জোৱানক শ্ৰদ্ধাঞ্জলি জনোৱাৰ উদ্দেশ্যে এই অনুষ্ঠানত অংশগ্ৰহণ কৰিছো । তেওঁলোকৰ ত্যাগ মনোভাৱে দেশৰ সুৰক্ষা আৰু নিৰাপত্তা সক্ষম কৰি তুলিছে।
তেওঁ কয় যে দেশৰ তিনিটা প্ৰধান হট স্পট আছে: জম্মু-কাশ্মীৰ, মাওবাদী আৰু উত্তৰ-পূব অঞ্চল, য’ত আগতে বোমা বিস্ফোৰণ হৈছিল। এই আক্ৰমণ ৰোধ কৰি চি আৰ পি এফে দেশত শান্তি আৰু নিৰাপত্তা ঘূৰাই আনিছে। এই তিনিটা অঞ্চল বিশেষকৈ উত্তৰ-পূবক শান্ত কৰাৰ ক্ষেত্ৰত ৭০০ চি আৰ পি এফ জোৱান, জম্মু-কাশ্মীৰৰ ৫৪০ জন, আৰু দেশৰ অন্যান্য প্ৰান্তত সৰ্বোচ্চ বলিদান দিছে। অসমত মাত্ৰ ৭৯ জন জোৱানেহে প্ৰাণ আহুতি দিছে। এই উপলক্ষে তেওঁ আন কেইবাটাও মন্তব্য কৰে।
হিন্দুস্থান সমাচাৰ / অৰৱিন্দ
