লিভিন (ফ্ৰান্স), ২০ ফেব্ৰুৱাৰী (হি.স.)। ব্ৰিটিছ অলিম্পিক চেম্পিয়ন কিলি হাজকিনছনে মহিলাৰ ৮০০ মিটাৰ দৌৰত এক নতুন বিশ্ব ইনড’ৰ অভিলেখ গঢ়ি ইতিহাস ৰচনা কৰে।

ৱৰ্ল্ড এথলেটিকছৰ তথ্য অনুসৰি বৃহস্পতিবাৰে অনুষ্ঠিত হোৱা ৱৰ্ল্ড এথলেটিকছ ইনড’ৰ ট্যুৰ গোল্ড মিটত ১:৫৪.৮৭ মিনিট সময় সংগ্ৰহ কৰি স্লোভেনিয়াৰ যোলাণ্ডা চেপ্লাকৰ প্ৰায় ২৪ বছৰীয়া অভিলেখ ভংগ কৰে। ২০০২ চনৰ ৩ মাৰ্চত চেপ্লাকে ১:৫৫.৮২ মিনিট সময়েৰে এই অভিলেখ গঢ়িছিল। হাজকিনছনে এইবাৰ ০.৯৫ ছেকেণ্ড ভাল কৰি নতুন অভিলেখ গঢ়িবলৈ সক্ষম হয়। ছুইজাৰলেণ্ডৰ অড্ৰে ভেৰ’ই দ্বিতীয় স্থান লাভ কৰিছিল যদিও ব্ৰিটিছ দৌৰবিদগৰাকীৰ পৰা বহু পিছ পৰি আছিল।

দৌৰ আৰম্ভ হোৱাৰ পৰাই ২৩ বছৰীয়া হাজকিনছনে অগ্ৰগতি লাভ কৰে। ২০০ মিটাৰ দৌৰ ২৬.৪৭ ছেকেণ্ডত আৰু ৪০০ মিটাৰ দৌৰ ৫৫.৫৬ ছেকেণ্ডত সম্পূৰ্ণ কৰে। ৬০০ মিটাৰ (১:২৫.০৬) দৌৰত তেওঁ আন দৌৰবিদতকৈ বহু আগবাঢ়ি আছিল। এই অভিলেখ গঢ়ি তোলাৰ পিছত হডকিনছনে দৰ্শকক ধন্যবাদ জনাই কয় যে তেওঁ সমগ্ৰ ষ্টেডিয়ামৰ পৰা পোৱা সমৰ্থন স্পষ্টকৈ শুনিব পাৰিছে। হাজকিনছনে ২০২১ চনৰ টকিঅ' অলিম্পিকত ৰূপৰ পদক লাভ কৰাৰ পিছত ২০২৪ চনৰ পেৰিছ অলিম্পিকত স্বৰ্ণ পদক লাভ কৰে।

हिन्दुस्थान समाचार / অৰৱিন্দ